Հարևան Իրանը Մոսկվայից թուրքական սպառնալիքի մասին է խոսում

Իրանը ողջունում է Լեռնային Ղարաբաղի հակամարտության խաղաղ կարգավորման հարցով Ռուսաստանի ջանքերը, սակայն տարածաշրջանում սպառնալիքները նախկինի պես պահպանվում են, հայտարարել է Իրանի Մեջլիսի (միապալատ խորհրդարանի) ղեկավար Մոհամմադ Բաղեր Ղալիբաֆը՝ ելույթ ունենալով Ռուսաստանի ԱԳՆ-ի դիվանագիտական ակադեմիայում:

«Այդ հակամարտության շարունակումը կարող էր խնդիրներ ստեղծել Իրանի հյուսիսային սահմաններին: Մենք գոհ ենք, որ Ռուսաստանը ջանքեր է գործադրել այդ պատերազմը կանգնեցնելու համար: Սակայն կարծում եմ, որ դեռ կան սպառնալիքներ: Նկատի ունեմ, որ պետք է կանխել այս տարածաշրջանում ահաբեկչական ուժերի ներկայությունը»,-ասել է նա՝ հստակեցնել. «Նկատի ունեմ, որ անհրաժեշտ է խոչընդոտել ահաբեկչական ուժերի ներկայությանը տարածաշրջանում»:

Իրանցի պաշտոնյան, որը երկօրյա այցով գտնվում էր Ռուսաստանի Դաշնությունում, նրա կողմից նման հայտարարությունը նշանակում է, որ Թուրքիայի գործողությունները մեր տարածաշրջանում կասկածի տակ են դնում խաղաղության հաստատումը՝ կոնկրետ ահաբեկչական ուժերի ներկայությամբ, որոնք պատերազմից հետո չեն հեռացել տարածաշրջանից, չնայած այն փաստին, որ Ռուսաստանն էլ արդեն որերորդ բարձրաձայնում է այդ մասին:

Իսկ ինչով է զբաղված Թուրքիան... Նա մտադիր է ամեն ոլորտում էլ ավելի ամրանալ:
Թուրքիայի ռազմարդյունաբերական համալիրը նախատեսում է պատճենել ռուսական С-400 ՀՕՊ համակարգը՝ սեփական արտադրություն սկսելու համար: Անկարայում նման որոշում են կայացրել տվյալ զենքի տեխնոլոգիաները տրամադրելու հարցում Ռուսաստանից մերժում ստանալուց հետո:

Ընդ որում, Վաշինգտոնը հրաժարվել է չեղարկել C-400 համակարգեր ձեռք բերելու պատճառով Թուրքիայի դեմ սահմանված պատժամիջոցները և այս երկիրը վերադարձնել F-35 կործանիչների ծրագրին: Տեղական լրատվամիջոցների փոխանցմամբ, Թուրքիան ծրագրում է ռուսական С-400 «Տրիումֆ»-ի բազայի վրա ստեղծել սեփական ՀՕՊ համակարգերը:

Ավելի վաղ Թուրքիան փորձել էր պատճենել չինական տեխնոլոգիաները, որից հետո Պեկինը հայտարարել էր արդյունաբերական և ռազմական ցանկացած ոլորտում Թուրքիայի հետ փոխգործակցության ամբողջական դադարեցման մասին:
Ըստ avia.pro-ի, ռուսական համալիրները լավ պաշտպանված են կողմնակի միջամտությունից: Դրանց ապամոնտաժումը կարող է հանգեցնել այն բանին, որ այդ ՀՕՊ համակարգերը կորցնեն իրենց հնարավորությունները և այլևս պիտանի չլինեն հետագա շահագործման համար: Բայց լավ մասնագետները կարող են պատճենել C-400-ի որոշ առանձնահատկություններ:

Այսօր էլ հայտնի դարձավ, որ Թուրքիան մտադիր է սեփական արտադրության հրթիռն արձակել դեպի Լուսին մինչև 2023 թվականը, հայտարարել է նախագահ Ռեջեփ Թայիփ Էրդողանը: Էրդողանը նշել է, որ թուրքական հրթիռի վայրէջքը Լուսնի վրա պետք է իրականացվի հանրապետության հարյուրամյակին ընդառաջ, որը նշվելու է 2023 թվականի վերջին: Բացի այդ, ըստ նախագահի, Թուրքիան նախատեսում է կառուցել իր սեփական տիեզերակայանը`միջազգային մասնակցությամբ:

Մետաքսյա Շալունց