Թրքասիրության մարաթոն է սկսվել

Օր օրի ավելանում է իմքայլական այն պատգամավորների թիվը, որոնք իրենց ելույթներով եւ հայտարարություններով ամրապնդում են այն կասկածները, որ այս իշխանությունը Նիկոլ Փաշինյանի գլխավորությամբ սպասարկում են թուրք-ադրբեջանական շահերը: Սա, անշուշտ, մեղմ ձեւակերպում է, իրականում այս մարդիսկ դժվար է ասել թուրքի ծնունդ են, թե հայ: Օրինակ երկրիդ վարչապետը կարող է կասկածի տակ դնել Շուշիի հայկական ծագումը, վարել այնպիսի քաղաքականություն, որը բխում է լոկ Ադրբեջանի եւ Թուրքիայի շահերից: Հեռու չգնալով՝ հետպատերազմական շրջանի ներքաղաքական եւ արտաքին հարթակներում, թեվում էր մեր առաջ քաշած անկյունաքարային օրակարգը պետք է դառնար ռազմագերիների վերադարձի հարցը, բայց, ոչ Նիկոլ Փաշինյանը կարող է ապաշրջափակման անվան տակ բացել Հայաստանի դռները մեզ մորթելու պատրաստ, <Էրիվանն> ու Սեւանը Ադրբեջանի պատմական հողեր համարող Ալիեւի եւ իր թուրք դաշնակիցների առջեւ:

Իշխանությությունն ասես թրքասիրության մարաթոն է կազմակերպել, ով ոնց կարողանում է հաճոյանում է մեր դարավոր թշնամիներին, հանդես գալիս նրանց շահերից, ինչից պարզ է դառնում, որ Նիկոլ Փաշինյանն ու իր թիմն Արցախն իսկապես ծախել են թուրքին, ու հիմա էլ շարունակում են սակարկել այլ հարցեր, որպեսզի ավելի շատ վաստակեն իրենց թուրք տերերից: Օրինակ Շուշին այն ադրբեջանական լեքսիկոնով Շուշա են անվանում, սկզբում Ռռուբեն Ռուբինյանը, իսկ երեկվանից համացանցի աստղ դարձած Անուշ Բեղլոյանը, ով դրանից բացի հակապետական այլ հայտարարություններ էլ էր արել:

Օրերս թուրքերի և ադրբեջանցիների մասնակցությամբ կոնֆերանսի ժամանակ սույն ուսապարկը հայտարարել էր, թե կարևոր չէ՝ ում տարածքն է Արցախը, կարևոր չէ, ով է սկսել պատերազմը, կարևորն այն է, որ հետ չնայեն ու գնան խաղաղության: Ավելին, ասել էր, որ թուրքերի հետ պետք է երկխոսություն սկսել: Իհարկե, նա խորհրդարանում լրագրողների հետ ճեպազրույցում հերքեց եւ ասաց, թե խոսքերը կտրել են կոնտեքստից, բայց տիկնոջ համար լրագրողները հատուկ միացրեցին ձայնագրությունը եւ բառացի թարգմանությամբ ստացվեց այն, ինչ քննադատվում էր:
Ինչպես ճոպազրույցի ընթացքում հայտնի դարձավ, տիկինը սենսացիաների սիրահար է, նա օրինակ հայտարարեց, թե 30 տաի Հայաստանը բանակ չի ունեցել, ինչի համար էլ պարտվել ենք պատերազմում:
Եթե բանակ չկար, ինչու էր Նիկոլ Փաշինյանի նշանակած, նրան ենթակա պաշտպանության նախարարը մինչեւ պատերազմը հոխորտում, թե Ադրբեջանը կփոշմանի, եթե պատերազմ սկսի , հենց այդտեղ էլ շրջանառության մեջ դրեց <Նոր պատերազմ, նոր տարածքներ>> կարգախոսը, իսկ Նիկոլ Փաշինյանը մեկնաբանելով Տոնոյանի հայտարարությունն ասել էր, որ, այո, թող մեզ չվախեցնեն պատերզմով ու եթե հանկարծ Ադրբեջանը պատերազմի, ապա մենք պարտադրելու ենք խաղաղություն: Իմքայլայան սույն տիկինն ուզում է ասել, որ Նիկոլ Փաշինյանը չի՞ տիրապետել իրավիճակին եւ ՀՀ բանակի կարողություններին եւ իրականությունից կտրված հայտարարություն է արել: Ընդհանրապես, երբ պետք էր իմքայլականները պարծենում էին Դավիթ Տոնոյանի հենց այս հայտարարությամբ, իսկ հիմա պատերազմի պարտությունը բարդում միայն բանակի եւ Տոնոյանի վրա: Եթե բանակ չունեինք, հուլիսյան մարտերում ինչպես ձեր ասած փառահեղ հաղթանակ տարանք, Նիկոլ Փաշինյանն էլ 70 զինվորականի պարգեւներ շնորհեց:
Ձեր մանիպուլացիաներն այլեւս չեն աշխատում ու հակապետական ծրագիրը բոլորին է հայտնի, պատերազմը ոչ թե պարտվել ենք, այլ դուք Արցախը ծախել եք ու հիմա էլ թուրք-ադրբեջանական շահերը սպասարկող հայտարարություններ եք անում, ելույթներ անում ու սուր մրցակցություն է, քանզի առուծախը դեռ չի ավարտվել եւ յուրաքանչյուրդ շատ վաստակելու կռիվ եք տալիս:

Դուք այնքան անհայրենիք սրբապիղծներ եք, որ ձեր առեւտուրը արեցիք մի քանի հազար տղաների արյան ներքո:

Անի Սահակյան