Փաշինյանի հույսը ՀՀՇ -ի ժամկետանցներն ու ՀՀԿ- ի թերմացքներն են

Նիկոլ Փաշինյանի որոշմամբ Գարիկ Սարգսյանը նշանակվեց Հայաստանի պետական գույքի կառավարման կոմիտեի նախագահ: Նրանից առաջ այդ պաշտոնին էր Լենա Նազարյանի ամուսինը՝ Նարեկ Բաբայանը, թե ինչու է Փաշինյանը ազատել Բաբայանին ու նշանակել Սարգսյանին, կարծում ենք կարեւոր չէ: Վաղուց Նիկոլ Փաշինյանի գործողություններում, հատկապես կադրային քաղաքականության հարցերում չես կարող տրամաբանություն գտնել: Իմաստ չունի խորանալ պատճառների մասին, քանի որ հնարավոր է, որ ոչ մի պատճառ էլ չգտնենք, քանի որ այսօր ազատվածը վաղը, կամ մի քանի օր հետո պետական կառավարման համակարգում նոր պատասխանատու պաշտոնի է նշանակվում:

Ինչպես որ եղավ նաեւ Գարիկ Սարգսյանի դեպքում: Պատերազմից հետո նա ազատվեց Արարատի մարզպետի պաշտոնից եւ մեկ ամիս անց Փաշինյանը նրան տեղափոխեց իրեն ավելի մոտ՝ նշված պաշտոնում:

Նիկոլ Փաշինյանը ընդհանրապես հետպատերազմական ժամանակներում ակտիվ կադրային ռակիրովկաներ է իրականացնում, ազատում է, հետո նույն մարդկանց նորց նշանակում արդեն այլ պաշտոններում: Ակնհայտ է, որ նա աշխատանքի իմիտացիա է փորձում ստեղծել՝ ցույց տալով, որ աշխատում են, որ կառավարման համակարգը ռեսթարտի է ենթարկվում, որպեսզի կարողանա դիմագրավել հետպատերազմական սոսկալի իրավիճակին՝ տնտեսության փլուզում, սոցիալական բազմաթիվ խնդիրներ , հումանիտար հարցեր եւ այլն: Բայց հաշվի առնելով, որ գումարելիների տեղափոխությունից գումարը չի փոխվում,առավել եւս Փաշինյանի ապիկար թիմակիցների դեպքում, որոնք ունիվերսալ պաշտոնյաներ են հիշեցնում եւ կարող են աշխատել՝ նախարարից մինչեւ հավաքարարի հաստիքներում, ապա կարող ենք փաստել, որ Փաշինյանը զուր երկարաձգում է իր իշխանությունը:

Կամ էլ այս մարդն իսկապես, մնացել է ՀՀՇ-ի մնացուկների հույսին, վաղուց քաղաքական գերեզմանոցում ննջեցյալ աբիժնիկների, քաղաքական գիշատիչների հույսին, որոնց ներդրել է համակարգ եւ փորձում է նրանցով մեծ հույսեր արթնացնել: Դրանցից են Գագիկ Ջհանգիրյանը, ԿԳՍՄ նախարար Դումանյանը, Վաղարշակ Հարությունյանը եւ այլք, որոնց պիտանելիության ժամկետը վաղուց անցել էր, եւ որոնք մարդիկ են, ովքեր ժամանակին Նիկոլ Փաշինյանին բնորոշել էին իր իսկական անունով:
Կամ էլ այս մարդու հույսը ՀՀԿ-ի թերմացքնրն են՝ սրիկայի սրիկան, դավաճանի դավաճանը, ովքեր նավը խորտակվելիս առնետի արագություն բացելով անցան Նիկոլ Փաշինյանի թեւի տակ՝ ի դեմս գլխավոր դատախազի, ԿԸՀ նախագահի,Ցոլակյանի, Ջանջուղազյանի եւ բոլոր մնացյալի:

Անի Սահակյան