Շառլ Ազնավուրի ինքնազգացողությունը Տաթևում վատացել է. Aravot.am
Երկու օր առաջ՝ մայիսի 31-ին, Տաթևի վանական համալիր այցելած աշխարհահռչակ շանսոնյե Շառլ Ազնավուրի ինքնազգացողությունը վատացել է: Այդ պահին երգիչը եղել է «ՏաԹևեր» ճոպանուղում: Aravot.am-ի տեղեկություններով՝ Շառլ Ազնավուրին մոտակայքի բուժհաստատությունից` Գորիսի հիվանդանոցից շտապ բուժօգնություն է ցուցաբերվել, և երգիչը տեղափոխվել է Երևան: Aravot.am-ի տեղեկություններով՝ Շառլ Ազնավուրը ճնշման տատանում է ունեցել, ինչն էլ պատճառ է դարձել, որ երգիչն իրեն վատ զգա: Սակայն բժիշկների աջակցությունից հետո երգիչն իրեն լավ է զգացել: Ըստ Գորիսի հիվանդանոցի բժիշկների՝ մաեստրոյին Երևան են տեղափոխել ուղղաթիռով: Մաեստրոյին ուղեկցել ենլ որդին՝ Նիկոլա Ազնավուրը, երգչի ընկերներն ու գործընկերները։ Հիշեցնենք, որ Ազնավուրը Հայաստան էր ժամանել «Ավրորա» համաշխարհային մարդասիրական նախաձեռնության շրջանակում: