Անբարոների խրախճանքն ու վոյաժները

Ինչպես պատերազմի 44 օրերը, այնպես էլ, ու հատկապես՝ հետպատերազմյան շրջանը, ցույց տվեցին, որ Նիկոլ Փաշինյանն ու իր թիմը ոչ ամոթ ունեն, ոչ բարոյականություն, ոչ սրբություն եւ ոչ էլ կարմիր գծեր, այս մարդիկ ունեն մեկ գերագույն խնդիր՝ իշխանության պահպանումը բոլոր հնարավոր մեթոդներով, քանզի քաղցր է իշխանությունը եւ նրա բարիքները, որոնցից այս ուսապարկային իշխանությունները օգտվել եւ վայելել են թե պատերազմի օրերին, թե անգամ հետպատերազմական ժամանակներում, երբ, ըստ էության, բացահայտված է սրանց իրագործած ցեղասպանությունը:

Այսօր հերթական անբարոյականության մասին ազգն իմացավ, իմքայլական մի խումբ պատգամավորներ ԱԺ նախագահ Արարատ Միրզոյանի գլխավորությամբ պատերազմի օրերին բյուջեի հաշվին վոյաժներ է թույլ տվել Ստեփանակերտ: Մանսավորապես
Փաշինյանի աներձագ Հրաչյա Հակոբյանը, Լուլուն, Սիսակ Գաբրիելյանը և ևս 8 հոգի պատերազմի օրերին Արցախ են մեկնել որպես գործուղում. բյուջեից նրանց հատկացվել է ճանապարհածախս, հյուրանոցի համար գիշերավարձ, գրպանի ծախսի գումար (օրապահիկ), ինչպես նաև առանձին գումար «ներկայացուցչական ծախսերի համար»
Հրապարակված պաշտոնական փաստաթղթի համաձայն, Արարատ Միրզոյանը համապատասխան հրամանը ստորագրել է 2020թ.-ի հոկտեմբերի 16-ին`պատերազմի ամենաթեժ օրերին, երբ հազարավոր հայեր՝ Սփյուռքում ու Հայաստանում, գումար էին հանգանակում «Հայաստան համահայկական հիմնադրամին» և կամավորագրվում էին, մինչդեռ Արարատ Միրզոյանը, Նիկոլ Փաշինյանի աներձագն ու մյուսներն անգամ Արցախ մեկնելու ճանապարհածախսն էին փաստորեն բյուջեից վերցնում:
Եվ մինչ բանակը կռվում էր, հարկատուների հաշվին Արցախ հասած «իմքայլականները» ժամանակ էին անցկացնում Ստեփանակերտի ռեստորաններում, իսկ այդ ընթացքում էլ Հայաստանում գտնվող Նիկոլ Փաշինյանը մուննաթ էր գալիս ժողովրդի վրա, թե «թասիբի կաթսան չի եռում»:
Ինչպես ասում են կա անբարոյականություն, կա մեծ անբարոյականություն եւ կան Նիկոլ Փաշինյանի ու նրա թիմի անբարոյականություն, սա հենց այդ դեպքն է , երբ համարժեք բառերո չես կարող գտնել նկարագրելու համար իմքայլականների ստորությունը:
Պատերազմի օրերին եւ դրանից հետո խրախճանքների մեջ է նաեւ Էրատոն՝ Փաշինյանի տիկին Աննա Հակոբյանը, նա հին տոմարով նոր տարին նշելու համար ախրանիկների մեծ շքախմբով, դուստրերի հետ գնաց հասավ Մոսկվա, իսկ խմած շոմպայնի եւ ծախսերի աստղաբաշխական գումարների մասին մամուլում անհավանական թվեր հրապարակվեցին:
Ս այնքան անբարո իշխանություն է, որ հետպատերազմյան օրերին Սյունիքից ընտրված պատգամավորների այցը եւս հայրենի մարզ բյուջեի հաշվին գործուղումով է կայանում: Մամուլը գրեց Արմեն Խաչատրյան Գորիս մենելու մասին: Եւ վերջապես, սրանք այնքան անբարո են, որ պատերազմից հետո էլ, երբ երկրում բազում լուծում պահանջող խնդիրներ կան, հազարավոր երիտասարդներ խեղված ճակատագրերով սպասում են պրոթեզավորման գործընթացին, մինչդեռ պետական ապարատում ոչ միայն օպտիմալացման չեն գնում, այլեւ ստանում են մինչպատերազմյան ավանդական պարգեւավճարները:

Անի Սահակյան