Ուսապարկերի ապստամբության վտանգը. Փաշինյանը վա բանկ է գնում

Ցեղասպան Նիկոլ Փաշինյանն իր իշխանությունը պահելու եւ կատարվածը առնվազն մի քանի հազար քաղաքացու հետ կիսելու նպատակով որոշել է Ազգային ժողովում Սահմանադրություն փոխել, որով հնարավորություն կստանա առանց իր հրաժարական լուծարել խորհրդարանը: Այսօր իշխանական թիմը բացահայտել է Փաշինյանի մտադրությունները, մասնավորապես, Վահագն Հովակիմյաը չի հերքել, որ գաղափարն իրենն է, մտածել են այնպիսի փոփոխությու, որ վարչապետը հրաժարական չտա, պատգամավորների քվեարկությամբ ինքնալուծարվի ԱԺ-ն եւ արտահերթ ընտրություններ նշանակվեն: Գործող Սահմանադրությունը մի քանի լուծումներ է առաջարկում խորհրդարանի լուծարման վերաբերյալ, վարչապետը հրաժարական է ներկայացնում, խորհրդարանը երկու անգամ յոթօրյա պարբերականությամբ նոր վարչապետ չի ընտրում, ԱԺ-ն իրավունքի ուժով լուծարվում է: Հաջորդ տարբերակը որեւէ խմբակցության պատգամավորները պետք է վայր դնեն իրենց մանդատները: Նկատենք, որ երկու տարբերակով էլ Փաշինյանը տեսականորեն կարող է հասնել արտահերթ ընտրությունների: Թե ինչու է որոշել հերթական անգամ սանրել Սահմանադրության գլուխը եւ մի անհեթեթ, իրավիճակային լուծման մասին կարգավորում մտցնել, եթե նկատի ունենան, որ սա կարող է ամենաերկարաժամկետ ճանապարհը լինել, քանզի խորհրդարանում Սահմանադրության փոփոխվող դրույթի եւ փոփոխության սահմանադրականության մասին պետք է նախ ստանալ ՍԴ-ի եզրակացությունը, իսկ դա առնվազն մի քանի շաբաթ կարող է ձգվել, կարծես թե հասկանալի է: Նիկոլ Փաշինյանն այլեւս չունի իշխանություն անգամ իր թիմում, յուրայինների մոտ, այլապես նա կգնար թվարկածս երկու ճանապարհով: Նա գիտի, որ Իմ Քայլում վայր չեն դնի մանդատները, որոնք ներկայիս պատգամավորներին մեղմ ասած մարդ են դարձրել, սրանք իրենց չեղած տեղից դարձել են մեր օրենսդիրները, հարկատուներիս հաշվին մեծ գումարներ են ստանում եւ ինչ ուզում անում են: Նրանք հասկանում են, որ երկրում իրավիճակ է ոխվել եւ եկող ընտրություններին 88 հոգանոց ֆրակցիայից գուցե 10-20 տոկոսն էլ չանցնի խորհրդարան:
Նրանք կողմ չեն քվեարկի նաեւ խորհրդարանի լուծարման որեւէ նախագծի, այլապես Նիկոլ Փաշինյանը ստիպված չէր լինի նման քայլի գնալ, կտար հրաժարական եւ թիմը նոր վարչապետ չէր ընտրի՝ ինքնալուծարման հասնելով խորհրդարանը Նիկոլ Փաշինյանը գիտի, որ չնայած իր խոսնակի շուրթերով ինքը ուսապարկ անվանեց իմքայլականներին, սակայն այդ ուսապարկերը կարող են ապստամբել իր դեմ եւ հրաժարականից հետո ընտրել ընդդիմության վարչապետի թեկնածուին: Հհենց այդ պատճառով որոշել է Սահմանադրության հերը հերթական անգամ անիծել, կրկին իր իշխանությունը պահելու համար, քանզի Նիկոլ Փաշինյանի վարչապետությամբ արտահերթ ընտրությունները լինելու են ռեժիմի վերարտադրություն , պարզապես կատարված ողբերգությունը մի քանի հազար մարդ, շարքային քաղաացի նաեւ իր վրա է վերցնելու՝ ձայն տալով Փաշինյանին ու իր թիմին:

Հ.Գ.-Նույնիսկ այս ճանապարհը հեռանկարային չէ Փաշինյանի համար, քանի որ նախագիծն ընդունելու համար 88 կողմ քվե է պետք, իսկ Իմ Քայլն այսօր 83 պատգամավոր ունի, հինգը դուրս են եկել խմբակցությունից

Անի Սահակյան