«Վնգստացող դատավորներից» վախեցածի սարսափը

Արդարադատության նախարարություն կատարած այցի ժամանակ Նիկոլ Փաշինյանը խոսել է դատական համակարգի բարեփոխումներին մասին՝ նշելով, որ վերջին շրջանում դատական բարափեխումներն իրականացվում են շատ մեծ թափով։ Այս համատեքստում նա նշել է, որ անթույլատրելի է համարում դատավորների քաղաքականացումը․ «Եվ ես ուրախ եմ, որ մենք դատական համակարգի բարեփոխումներին վերջին շրջանում շատ մեծ թափ ենք հաղորդել: Իհարկե, այդ գործողությունների և բարեփոխումների արդյունքները միանգամից չէ, որ տեսանելի են դառնում և տեսանելի կդառնան, բայց համոզված եմ, որ մենք հետևողական քայլերի շնորհիվ կկարողանանք հասնել այն նպատակի իրագործմանը, որն ունենք մեր առաջ. այն է՝ անկախ և արդար դատական համակարգի հաստատմանը: Իհարկե, վերջին շրջանում մենք ականատես ենք եղել դատական համակարգի քաղաքականացման փորձերի, ինչը, իհարկե, անթույլատրելի է և խարխլում է դատական համակարգի և արդարադատության գաղափարն ինքնին: Եվ այստեղ մենք պետք է ոչ միայն ընթացիկ, այլև երկարաժամկետ մեխանիզմներ ունենանք նման երևույթները ոչ միայն արմատախիլ անելու, այլև, ընդհանրապես, թույլ չտալու համար»,- նշել է Փաշինյանը։
Բանն այն է, որ դատարանը ընդամենը մեկ օր առաջ պարտավորեցրել է Նիկոլ Փաշինյանին և իր խոսնակ Մանե Գևորգյանին ներողություն խնդրել Խաչատրյանների ընտանիքից՝ նրանց անունն ու բարի համբավը հրապարակավ վիրավարելու համար։ ՊԵԿ նախկին նաախագահ Գագիկ Խաչատրյանի ընտանիքից ստացած այս դատական ապտակն, իհարկե, միակը չէ, որ հունից հանում է Նիկոլ Փաշինյանին։ Ընդհանրապես վերջին շրջանում դատավորները ակնհայտ անկախ գործելու վարքագիծ են դրսևերում։ Ժամանակ առ ժամանակ դատարան տարվող ընդդիմադիրները մեկ-երկու օր ոստիկանությունում պահվելուց հետո դատական վճիռներով ազատ են արձակվում, քանի որ նանց առաջադրված մեղադրանքները չեն հիմնավորվում։ Փաշինյանը նեղվում է այն բոլոր դատավորներից, որոնք համարձակվում են իր կամքին դեմ գնալ և կայացնել իշխանության հանձնարարականներից չբխող վճիռներ։ Թերևս հենց այս պատճառով էլ Փաշինյանը որոշել է դատական համակարգը բռի մեջ հավաքելու օպերացիան արագացնել և այդ շրջանակում խորհրդարանում գտնվող անձնական օգտագործման ուսապարկ-պատգանավորների միջոցով Բարձրագույն դատական խորհուրդ գործուղեց Գագիկ Ջհանգիրյանին և կարկառուն սորոսական, ՀՔԾ պետ Սասուն Խաչատրյանի եղբայր Դավիթ Խաչատրյանին։ Հավանաբար, հենց սրանք էլ Նիկոլ Փաշինյանի պատկերացրած չքաղաքականացված դատավորներն են։
Նիկոլ Փաշինյանը չէր նեղվում դատավորների քաղաքականացվելու վտանգից, երբ սեփական զոմբիներին հրահանգում էր շրջապատել դատարանների շենքերը և փակել մուտքերը, երբ դատավորներին համարում էր պատերի տակ վնգստացողներ։ Փաշինյանը շատ գոհ ու երջանիկ էր, երբ դատավորներն իր հրահանգով բանտարկեցին երկրորդ նախագահ Ռոբերտ Քոչարյանին։ Փաշինյանի պատկերացրած ապաքաղաքական դատավորները պետք է կատարեն բացառապես իր հրահանգներն ու ցուցումները, մնացած բոլոր դեպքերում դատավորները, ինչ որոշում էլ որ կայացնեն, քաղաքականացված են դիտվելու՝ ըստ Նիկոլի պատկերացումների։
Նորմալ մարդու պատկերացումների մեջ, ի տարբերություն Նիկոլի, իհարկե չի կարող տեղավորվել այն թեզը, դատավորների վեթինգն ու անմեղ ու արդար դատավորների հայտնությունը պետոք է իրականություն դառնա արդարադատության երբեմնի դահիճ Ջհանգիրյանի կամ սորոսական Դավիթ Խաչատրյանի ձեռամբ։ Այնպես որ, երբ Նիկոլը խոսում է դատավորների քաղաքականացման անթույլատրելիության մասին, սառնարանում ծվարած խաշած հավերն անգամ քահ-քահ ծիծաղում են։

Հայկ Դավթյան