Հայաստանում ծխախոտը 3-4 անգամ թանկանալու է. Դավիթ Պետրոսյան
Այսօր Ծխախոտի դեմ պայքարի միջազգային օրվան նվիրված ասուլիսին ՀՀ Առողջապահության նախարարի խորհրդական Դավիթ Պետրոսյանը նշեց, որ դեռևս 2004 թվականին ՀՀ վավերացրել է միջազգային հակածխախոտային շրջանակային կոնվենցիան՝ մշակված ՄԱԿ-ի կողմից և 2005 թվականին ՀՀ ընդունել է ծխախոտի սահմանափակման, տարածման մասին օրենքը: «1990 թվականին 15 տարեկան և ավելի մեծ տղամարդկանց թիվը կազմում էր 63%, 10 տարի հետո հետազոտությունները ցույց տվեցին, որ թիվը 10%-ով պակասել է, սա խոսում է, որ գործիքներ ազդել են, սակայն մարդը չի կարող նկատել, որ ծխողների թիվը 10 տոկոսով պակասել է: Հիմա երիտասարդների մեջ մեծացել է թիվը, որոնք նախընտրում են չծխելը, իսկ ծխող դեռահասների տոկոսը պակասել է»,- ասաց Պետրոսյան: ՀՀ Առողջապահության նախարարի խորհրդականը հավելեց, որ ծխախոտի դեմ պայքարի արդյունավետ միջոց համարում է գների բարձրացումը.«Ամենաարդյունավետ մեթոդը ծխախոտի գնի թանկացումն է, և Հայաստանում ծխախոտը 3-4 անգամ թանկանալու է այս տարվա սեպտեմբեր-հոկտեմբերից սկսված»:
Հետևեք մեզ Viber-ում
