Ադրբեջանը` ճգնաժամի շեմին
Ադրբեջանի խորհրդարանի պատգամավոր Զահիդ Օրուջը հանդես է եկել երկրի Պաշտպանական արդյունաբերության նախարարությունը վերացնելու առաջարկությամբ:
«Ազադլըգ»-ի հաղորդմամբ` նա գտնում է, որ Ադրբեջանում ստեղծված տնտեսական ճգնաժամի պատճառով անհրաժեշտ է վերացնել այդ նախարարությունը եւ նրա գործառույթները հանձնարարել այլ նախարարության:
«Ներկայիս ժամանակաշրջանում պետական կառավարման համակարգում տարվող բարեփոխումների շրջանակում Պաշտպանական արդյունաբերության նախարարությունը կարելի է միացնել, օրինակ, Տնտեսական զարգացման կամ Պաշտպանության նախարարություններից մեկին: Ըստ էության, Պաշտպանական արդյունաբերության նախարարությունը գործարաններից կազմված արդյունաբերական խումբ է: Կառավարությունը կարող է վերանայել նրա նախարարության կարգավիճակ կրելու հարցը», -ասել է Օրուջը: Ադրբեջանի պաշտպանական արդյունաբերության նախարարությունը ստեղծվել է երկրի ղեկավարի 2005 թվականի դեկտեմբերի 16-ի հրամանագրով: Այդ ժամանակվանից նախարարությունը գլխավորում է Յավեր Ջամալովը Զահիդ Օրուջն ավելի վաղ Ադրբեջանի խորհրդարանում ունեցած ելույթում, մեկնաբանելով տնտեսական ճգնաժամով պայմանավորված չինովնիկների թվաքանակի կրճատման հարցը, նշել է, որ երկրի էներգետիկայի լիազորությունները պետք է հանձնարարվի Ադրբեջանի պետական նավթային ընկերությանը, եւ որ առանձին նախարարության անհրաժեշտություն չկա: Բացի այդ, նա հայտարարել է, որ Ադրբեջանում էլեկտրաէներգիա արտադրող «Ազերէներժի» ընկերությունը պահելու անհրաժեշտություն եւս չկա, քանի որ այդ գործառույթն իրականացնում է էլեկրաէներգիան բախշող եւ իրացնող «Ազերիշըգ» ընկերությունը: Ադրբեջանի կենտրոնական բանկը 2015 թվականի դեկտեմբերի 21-ին ազգային արտարժույթի` մանաթի լողացող փոխարժեքի անցնելու որոշում է ընդունել, ինչի եւ դրանից առաջ` փետրվարի 21-ին մանաթի 35 տոկոս արժեզրկման հետեւանքով մանաթի փոխարժեքը ամերիկնյա դոլարի նկատմամբ գրեթե երկու անգամ ընկել էՄանաթի փոխարժեքի արժեզրկման արդյունքում Ադրբեջանում խիստ վատացել է սոցիալ-տնտեսական դրությունը, ինչը երկրի շրջաններում բազմաթիվ զանգվածային բողոքներ է առաջացրել:
Հետևեք մեզ Viber-ում
