Նիկոլ Փաշինյանը սպասում է տրանսգենդերների ու ԼԳԲՏ-ների արձագանքին

Հայտնի փաստ է, որ Նիկոլ Փաշինյանը մանիպուլացիայի մեծ վարպետ է, դրանում համոզվել է ՀՀ միջին վիճակագրական քաղաքացիները, իհարկե, ոչ ժեխը : Ցավալի է, սակայն, որ հայրենի ընդդիմությունը դեռ <ուտում> է Փաշինյանի կտերը, ենթարկվում նրա սադրանքներին, մանիպուլացիաներին տրվելով գլխավորը ստորադասում երկրորդականին եւ այսպես շարունակ: Իշխանական շրջանակները անցած շաբաթ լուրեր տարածեցին, որ հարձակում են պատրաստում Հայ առաքելական եկեղեցու հոգեւոր հոր՝ վեհափառի դեմ, որ բողոքի ակցիա կանեն Մայր Աթոռի դիմաց, կաթողիկոսին կշեն այնտեղից: Կիրակի օրը ընդդիմությունը մի բռունցք դարձած առավոտ լույսը չբացված արդեն տեղում էր՝ Էջմիածնում, որպեսզի պաշտպանեին վեհափառին հարձակումներից: Իսկ ակցիան այդպես էլ չկայացավ, քանի որ վստահ ենք, որ Նիկոլ Փաշինյանը ընդամենը լավ ռեժիսոր է եւ նման սցենար էր շրջանառության մեջ դրել, որպեսզի կարեւոր հարցերից ուշադրությունը սահուն շեղի այլ աղմկոտ թեմաների կողմը: Իիսկ այդ ընթացքում Արցախում շարունակվում էր անհանգիստ վիճակը, նույն գիշեր լուրեր տարածվեցին Հադրութում մարտեր վերսկսելու մասին, Սյունիքում թշնամին տեղադրեց՝ Բարի գալուստ Ադրբեջան վահանակը ու այսպես շարունակ: Իսկ ընդդիմությունը զբաղված էր կաթողիկոսի պաշտպանությամբ

Մեկ շաբաթվա ընթացքում ցուցադրած հաջորդ մանիպուլացիան այն էր, երբ Փաշինյանն իր վերջին հարցազրույցում հայտարարեց, թե իր հրաժարականի պահանջով ընդդիմության ցույցերը աջակցություն չստացան ՀՀ քաղաքացիների կողմից, իսկ մի քանի հազար մարդու՝ փողոցներում ակցիաներ իրականացնելը չեն կարող իր հրաժարականի պատճառ դառնալ: Հետեւաբար ինքն առաջարկում է արտահերթ ընտրություններ անցկացնել եկող տարի:
Զարմանալի է, որ այս խայծն էլ կուլ տվեցին ընդդիմադիրները: Վազգեն Մանուկյանի մակարդակով դժգոհություններ են լսվում, թե , իսկապես, ժողովուրդը փողոց դուրս չի գալիս: Կներեք, բայց ժողովուրդը առնվազն երկու շաբաթ դուրս է եկել, մենք տեսել ենք 20-30-50 հազարանոց ցույցեր, երթեր: Այնպես որ պետք չէ առաջնորդվել Փաշինյանի հրապարակ նետած օրակարգով: Էլ չենք ասում, որ երիրը հանձնած դավաճանի, մի քանի սերունդ վարի տված վարչապետին սահմանադրական ճանապարհով հեռացնելու մասին խոսակցությունները ծիծաղելի են:

Անհիմն են նաեւ այն փաստարկները, թե մարդիկ պիտի փողոց դուրս գան: Մարդիկ երկուսուկես տարի առաջ փողոց դուրս են եկել, քնել են ասֆալտներին, փառկել ավտոբուսների տակ, իսկ այսօր դրա հետեւանքը հայրենիքի կորուստն է: Այսքանից հետո հեշտ չէ մարդկանց փողոց հրավիրել, ասել, որ այն ժամանակ, իշխանության, իսկ հիմա հայրենիքի փրկության կռիվ է գնում:
Նիկոլ Փաշինյանի հրաժարականի պահանջը հնչել է հանրության գրեթե բոլոր շերտերի կողմից՝ նախկին նախագահներ, կաթողիկոսներ, փաստաբաններ, համայնքապետեր, մտավորականներ եւ այլք: Նիկոլ Փաշինյանին մերժում են անգամ համայնքներում, թույլ չեն տալիս ազատ տեղաշարժվել: Էլ ովքեր պետք է պահանջեն նրա հրաժարականը, մնացել են ԼԳԲՏ համայնքն ու տրանսգենդերները, թերեւս Փաշինյանը նրանց է սպասում:
Հուսով ենք, որ ընդդիմադիրներն այլեւս չեն մտնի Փաշինյանի հրապարակ նետած խաղի մեջ եւ չեն առաջնորդվի իր թելադրած կանոններով ու կգտնեն ճանապարհը նրան ժամ առաջ հեռացնելու իր աթոռից:

Անի Սահակյան