Ժեխ չեք, բա ինչ եք
«Իմ քայլը» խմբակցությունը ԲՀԿ-ական Նաիրա Զոհրաբյանին ցանկանում է հեռացնել Ազգային ժողովի Մարդու իրավունքների պաշտպանության եւ հանրային հարցերի մշտական հանձնաժողովի նախագահի պաշտոնից: Խմբակցությունը հարցի վերաբերյալ նախագիծ է դրել շրջանառության մեջ, այն ընդգրկված է նաեւ երկուշաբթի կայանալիք ԱԺ արտահերթ նիստի օրակարգում: Նախագծում որպես հիմնավորում նշվում է, որ «Զոհրաբյանի կողմից արվում են Սահմանադրությամբ ամրագրված մարդու՝ որպես բարձրագույն արժեքի, անօտարելի արժանապատվությունը ոտնահարող, նվաստացնող եւ վիրավորանք պարունակող հայտարարություններ»։ Օրինակ են բերվում պատգամավորի ֆեյսբուքյան մի քանի գրառումներ, որոնցից մեկը դեկտեմբերի 17-ին է արվել․ «Ես ատում եմ քեզ, ժեխ, որ իշխանության բերեցիր քո նմանին, ով դանդաղ փակում է մեր պետականության էջը»։ Ըստ նախագծի հեղինակների՝ Զոհրաբյանը չի կարող լինել մի հանձնաժողովի նախագահ, որի գործունեության առանցքը մարդու իրավունքների պաշտպանությունն է։ Պարզից էլ պարզ է, որ գործընթացի պատճառը Զոհրաբյանի ելույթներն են՝ Նիկոլ Փաշինյանի հրաժարականի պահանջով։
Հակառակ պարագայում իմքայլականները բազում առիթներ են ունեցել , բայց անտեսել են մարդկանց անօտարելի իրավունքները ոտնահարող ելույթ-կոչերի նկատմամբ: Զորօրինակ ԱԺ փոխխոսնակ Լենա Նազարյանի պաշտոնանկության հարց այդպես էլ չբարձրացրեցին, երբ տիկինը ֆեյսբուքյան իր էջում տարածել էր մի քանի ֆեյք կռվածների, կամավորականների ուղերձը՝ լի սպառնալիքներով, այդ թվում նույն Նաիրա Զոհրաբյանին ներքնազգեստ ուտեցնելու սպառնալիքով։ Իմքայլականները չմտահոգվեցին, երբ իրենց շեֆը՝ դավաճան հողատուն դատավորներին «վնգստացող» էր անվանում, դիվանագետներին էլ՝ «կոշիկ լիզող»։
Իսկ առհասարակ, ով եք դուք, որ մի հատ էլ իրավունք եք վերապահում քննել ուրիշների պաշտոնանկության հարցը: Դուք ոչ միայն վերջացած իշխանություն եք, այլ վերջացած մարդ, որոնց համար հայրենիք հանձնելը մտահոգիչ չէ, մոտ հինգ հազար մարդու գլուխ ուտելը մտահոգիչ չէ, Հայաստանի դռները թշնամու առջեւ բացելը մտահոգիչ չէ, դուք չեք մտահոգվում ոչ գերիների, ոչ անհետ կորածների ու վիրավորների հարցով, բայց, այ, մտահոգված, վշտացած եք, երբ ձեզ ձերպեսներին հայրենիքի զգացողություն ունեցող մարդը ժեխ է անվանել: Բա ժեք չեք, ինչ եք: Ժեխ չլինեիք, նոյմեբերի 9-ից հետո կամ փասափուսաներդ կհավաքեիք ու անձայն կհեռանայիք՝ ներողության մի տեքստ հրապարակելով, կամ էլ մեղքի ու ամոթի զգացումից ինքնասպան կլինեիք:
Անի Սահակյան
Հետևեք մեզ Viber-ում
