Դավաճանի խարանից մաքրվելու մեկ ճանապարհ կա

Նոյեմբերի 9-ից հետո թվում էր, թե Նիկոլ Փաշինյանն ու նրա 88 խամաճիկները պետք է փասա-փուսաները հավաքեին ու հեռանան՝ սկզբի համար ներողություն խնդրելով ազգից, որ պարտվեցին այս պատերազմը, հինգ հազարից ավելի երիտասարդ մի քանի սերունդ տարան ոչնչացման , Արցախի 70-ը տոկոսը հանձնեցին թշնամուն, իսկ Հայաստանն էլ դրեցին թշնամու երախում, սակայն ոչ Նիկոլ Փաշինյանը եւ ոչ էլ թիմը դեռեւս չի կարողանում հասկանալ կատարվածի ողբերգությունը, այլապես վայրկյան առաջ պատասխանատվություն կստանձնեին իրավիճակի: Մի բան փաստ է, որ Նիկոլ Փաշինյանը միայնակ է ստորագրել կապիտոիլացիայի հայտնի ակտը, եւ այդ մասին հայտարարեցին իրքայլականները: Դրանից բացի հրապարակ նետվեցին սենսացիոն տեղեկություններ, որ  հանձնումը կայացել է հինգ միլիոն դոլարի դիմաց: Պատերազմի ընթացքում իշխանությունների թույլ տված բազում թերություններն ու միտումնավոր քայլերը, զորօրինակ զորահամալրումը երրորդ օրը դադարեցնելու Փաշինյանի հրամանը, որի մասին բացահայտեց Մովսես Հակոբյյանը, հուշում են այն մասին, որ Նիկոլ Փաշինյանը Արցախը հանձնելու դավաճանական ծրագիր է իրականացրել, ուստի հենց այնպես հրաժարական չի տալու՝ հասկանալով, որ իրեն իրավական պատասխանատվությունից զատ Նեմեսիս է սպասվում: Բայց ինչ անուն տալ նրա թիմակիցներին, որոնք գնալով դառնում են հայրենիքի դավաճանի հանցակիցներ: Նոյեմբերի 9-ից հետո մի որոշները վայր դրեցին մանդատները, որոշները դուրս եկան խմբակցությունից, բայց մեծ հաշվով մեծամասնությունը դեբիլիզմի մրցաշարի է մասնակցում եւ անհեթեթ ու չհիմնավորված հայտարարություններով փորձում արդարացնել տեղի ունեցածը, հիմնականում դա գցել նախկինների վրա, ասել, թե հողերը ծախել էին, թե թալանել էին եւ կռվելու զենք չունեինք: Մի խոսքով ինչ էշություն ու դեբիլություն ասես չլսեցին պատգամավոր կոչվող նախկին ասֆալտչիկների բերանից, անգամ այս օրերին, երբ սահուն քայլերով զիջում ենք նաեւ Սյունիքից, ամեն բան լսեցինք, բայց ոչ պատասխանատվության ու մեղքի զգացում:
«Իմքայլականներն» իսկապես չեն հասկանում, թե ինչ են արել իրենց շեֆի գլխավորությամբ: Այնպիսի տպավորություն է, որ եթե մեզ մնա Երեւանի մի երկու վարչական շրջան, նրանք դարձյալ պինդ գրկելու են իրենց մանդատները ու շարունակելու են ինչ-որ ճառեր արտասանել: Հիմա, երբ ամեն բան գրեթե պարզ ու հասկանալի է իմքայլականները մեկ ճանապարհ ունեն, մնացյալը դավաճանություն է:

Եթե իսկապես ցանկանում են մաքրվել դավաճանության խարանից, եթե չեն ուզում մտնել Նիկոլ Փաշինյանի ստորագրածի մեղքի տակ, ապա ժամ առաջ պետք է հայտարարեն ֆրակցիայից դուրս գալու, բայց ոչ մանդատը դնելու մասին, ու պատրաստակամություն հայտնեն պետության ղեկից հեռացնել կապիտուլացիայի հեղինակին: Հակառակ պարագայում մենք կանգնած ենք ինքնիշխանության կորստի առջեւ, որից այն կողմ իրենց մանտադներն այլեւս գրոշ արժեք չեն ունենալու:

Անի Սահակյան