Ժեխապետության ապստամբությունը

Երբ Նիկոլ Փաշինյանն ու նրա աջակիցները վերջին ժամանաներում վաստակեցին ժեխ բնորոշումն, առաջին հայացքից կոպիտ ու վիրավորական էր հնչում հայրենակցիդ, ազգակցիդ նման հավաքական եզրույթի տակ տեղավորելը: Բայց գնալով հասկանալի է դառնում, որ ամեն բան մեղմ է ասված, ժեխը հոգեվիճակ է, մտածողություն, որից ազատվել հնարավոր չէ անգամ, երբ զբաղեցնում ես իշխանական էլիտայի շարքերը: Ահավասիկ ԱԺ փոխխոսնակ Լենա Նազարյանը հերթական անգամ մտքի փայլատակում է ունեցել, դա նրա մոտ սովորական երեւույթ է, բայց տարին տարվա վրա տիկնոջ մտթի անհեթեթությունն ավելի բարձր ճախրանքներ է գրանցում: Լենան հարցազրույց է տվել ու ասել, թե ինքը բացառում է, ուղղակի անհնար է համարում վարչապետի հրաժարականը, այսինքն՝ ուրիշ վարչապետի ընտրությունը։
Քանզի նա բազում պատճառներ ունի, որոնցից մեկն էլ ընդդիմության հավաքական թեկնածու Վազգեն Մանուկյանի ով լինելն է.<<Առհասարակ դրսից բերված մարդու մասով հարցերն այնքան շատ են՝ ո՞վ է նա, ո՞ւմ է ներկայացնում, ո՞ւմ է հաշվետու, ո՞րն է նրա լեգիտիմության աղբյուրը։ Հետևաբար հրաժարականի պահանջի իրականացումը անհնար եմ համարում։Ես հետևել եմ Վազգեն Մանուկյանի մի քանի հարցազրույցների, արդեն տարօրինակ հայտարարություններ է անում, ասում է՝ ես կգամ որպես վարչապետ, փոփոխություններ չեմ անի, հետո կգա ժողովրդի ընտրած վարչապետը, և թող ինքն էլ անի փոփոխությունները։Նա մտածո՞ւմ է՝ ինչ է ասում․ կա ժողովրդի ընտրած վարչապետ և կա օդից ընկած վարչապետ։ Կամ՝ ասում է՝ գայթակղություններ կլինեն, թե չեն լինի, թող ժողովուրդը որոշի>>։

Դուք հասկանում եք՝ Վազգեն Մանուկյանին <<օդից ընկած>> թեկնածու է համարում մեկը, ով իր թիմով օդից էլ չընկավ, այլ ժեխավարի ասֆալտներին փռվելով, դագաղների օպերացիա իրականացնելով քաջնազարյան բախտով հայտնվեցին իշխանության: Իսկ եթե խելքից տհասն ակնարկում է Մանուկյանի՝ խորհրդարանական որեւէ ուժի ներկայացուցիչ չլինելը եւ ժողովրդի քվե չստացած լինելու հանգամանքը, ապա ժեխապետության իբր քիչ թե շատ ուսյալ ներկայացուցիչը պետք է իմանար, որ Սահմանադրությունը թույլ է տալիս խորհրդարան անցած ուժերին վարչապետի թեկնածու ներկայացնել ցանկացածի, անգամ եթե նրան կբերեն այլ մոլորակից: Իսկ Վազգեն Մանուկյանի առաջադրումը խորհրդարանի ամենամեծ ընդդիմադիր խմբակցությունն է հայտարարել: Այնպես որ որեւէ բան ճամարտակելուց առաջ գոնե խորհրդակցեք մարդկանց հետ, ովքեր մի քիչ շատ գիտեն ձեզանից: Հետո էլ, թե Հայաստանում էլիտար բունտ է իրականացվում, ժողովրդի հետ դա ոչ մի կապ չունի: Իհարկե, ձեր առաջնորդ Նիկոլ Փաշինյանն այնքան տգետ է, որ էլիտան էլիտարից չի տարբերում ու թերեւս պետք է ասեր էլիտան է բունտ անում,ոչ թե էլիտար բունտ է: Բայց, այո, սա այն դեպքն է, երբ ձեր հետ չհամաձայնել չենք կարող, շարունակելով՝ բա, հո ժեխը բունտ չէր անելու: Ժեխի ուղեղին անգամ տարրական բաները հասու չեն, ուր մնաց հասկանա, որ հայրենիք է կորցնում:Այո՛, ժեխապետի հրաժարականը պահանջում է երկրի քաղաքական, մտավորական էլիտան, մեր հասարակության էլիտան, հրաժարականը պահանջում է մտածող և հայրենասեր մարդը, այն մարդը, ով տեսնում և հասկանում է, թե դուք ինչ աղետ եք մեր պետականությանը: Իս ձեզ աջակցում է ժեխը, ագրեսիվ օխլոսը:

Անի Սահակյան