Ալիեւը գժվում է Փաշինյանի համար
Երեկ տեղի ունեցած ԱՊՀ անդամ երկրների ղեկավարների գագաթնաժողովին Նիկոլ Փաշինյանը չէր մասնակցում: Պատճառաբանությունն այն էր, որ հայրը մահացել է:
Իրականությունն այն է, որ Փաշինյանը պարզապես խուսափել է Ալիևի հետ նույն միջավայրում հայտնվելուց:
Ստացվում է, որ Նիկոլ Փաշինյանի պատճառով Հայաստանը կորցրել է իր սուբյեկտայնությունը: Փաշինյանը գագաթնաժողովում չկար, բայց նրա ներքաղաքական շահերը պաշտպանող, իր եղբայր Ալիեւը լրացրեց դատարկ տեղը:
Գագաթնաժողովում Ալիևը Հայաստանի նախկին իշխանությունների դեմ կռիվ էր տալիս,
Ալիևը կրկնում էր այն թեզերը, որոնք որպես արդարացում ներկայացնում է Նիկոլ Փաշինյանը: Ալիևն ասում է, որ Փաշինյանը մեղավոր չէ Հայաստանի պարտության համար: Ըստ նրա՝ մեղավորը Ռոբերտ Քոչարյանն ու Սերժ Սարգսյանն են, քանզի ինքը նրանց ստեղծած բանակին է հաղթել : Ալիևն այդպիսով ուզում է նաև հակադարձել Քոչարյանի այն թեզին, որ հայկական կողմը պարտվել է անձամբ Նիկոլ Փաշինյանի պատճառով, այլ ոչ թե պարտվել են մեր ժողովուրդն ու բանակը:
Ալիևը նաև մտահոգություն է հայտնում, որ Հայաստանում կարող են իշխանության գալ նախկին ուժերը:
Մի խոսքով, Էրդողանն ու Ալիևը Նիկոլի արտաքին ու ներքին քաղաքականությունից օգտվելով գրավեցին Արցախի 9 շրջան, հարվածեցին Արցախի պետականությանը և տարածքներ են խլում Հայաստանից: Իրենք շատ լավ գիտեն, որ կարող են զարգացնել իրենց հաջողությունը բացառապես այն դեպքում, երբ Հայաստանի իշխանության ղեկին Նիկոլ Փաշինյանն է: Դրա համար էլ Ալիևը բացահայտորեն պաշտպանում է Նիկոլին ու ուշադրություն, նա սկսեց պաշտպանել իր հոգեւոր եղբորն այն ժամանակ, երբ հայաստանյան ներքաղաքական գործընթացներն ակնհայտորեն տեղ չեն թողնում նրա՝ վարչապետի պաշտոնում մնալուն: Ընդդիմության երթերն ու հանրահավաքները բազմահազարանոց են դարձել, մարդիկ շոկից դուրս են գալիս եւ հասկանում կատարված աղետը ու այսօր այլ բան չի մնում, քան Փաշինյանին վարչապետի աթոռից հեռցնելը, կանխելը հեռահաս վտանգները: Իսկ մինչ այդ նկատենք, որ Փաշինյանի «կիրթ» գործընկերը հրապարակային ստորացնում էր նրան, ծաղրում: Մի քանի օր առաջ Նիկոլ Փաշինյանը Ազատություն ռադիոկայանին տված հարցազրույցում անդրադառնալով Ալիեւի պահվածքին եւ հարցին, թե ընդդիմությունը նկատում է, ինչպես է պարտված ղեկավարն այսքանից հետո նստելու բանակցային սեղանի շուրջ, բառացիորեն հետեւյալն էր ասել. «Իսկ գուցե Ադրբեջանի նախագան ասի ո՞վ է վարչապետի իրենց թեկնածուն , ինչ վատ գաղափար է որ: Իսկ կարո՞ղ է վարչապետի միասնական թեկնածուն արդեն համաձայնեցված է Ադրբեջանի նախագահի հետ: Ես ձեր ուշադրությունն ուզում եմ հրավիրել մի հանգամանքի վրա, որ արդեն բավականի երկար ժամանակ, ընդ որում երկար ամիսներ, Ադրբեջանի նախագահի եւ Հայաստանի որոշ ընդդիմադիր շրջանակների ասելիքը ճշգրիտ նույնն է, երբեմն ակնհայտ է, որ փոխանցումներով են խաղում, կամ աշխատում իրար հետ
Դրա համար եմ ասում, որ այս պրոցեսի մեջ կա ուղղակի սպառնալիք պետականությանը»: Հիմա պարզ է չէ, թե ով է ում հետ փոխանցումներով խաղում ու սպառնալիք ներկայացնում պետությանը: Դրա համար էլ Ալիեւը գժվում է Նիկոլ Փաշինյանի համար:
Անի Սահակյան
Հետևեք մեզ Viber-ում
