Երկրի դավաճանին պետք է հենց իր կաբինետում ձերբակալել. սյունեցի (video)

Սյունիքի մարզի Գորիս համայնքում բողոքի ակցիայի ժամանակ սյունեցիներից մեկն ասաց. «Այսօր ադրբեջանցին ռուսի հետ գալիս, սահման է գծում, ո՞ւր են մեր պետական կառավարման աշխատողները։ Ես ո՞վ եմ, որ գնամ, ես լիազորված չեմ՝ գնամ, ներկայացնեմ իմ պետության շահերը, ես արհամարհված եմ կառավարության կողմից։ Պետական պաշտոնյա պետք է լինի ե՛ւ թուրքի, ե՛ւ ռուս խաղաղապահի հետ։ Այդ GPS-ը, որ օգտագործում են, վերափոխված ծրագիր է, եթե ուզում են իրական սահմանները իմանալ, թող գան, այստեղ մարդիկ անգիր գիտեն սահմանները, 1987 թվականին մենք քարտեզագրում ենք արել այստեղ։ Այդ քարտեզագրումից ահագին քառակուսի կիլոմետրեր անցնում է թուրքին։ Հասկացանք՝ փաստի առաջ ենք կանգնել, բայց մի՞թե հնարավոր էր առանց մի կրակոցի այդքան հողերը հանձնելը։ Մենք այլեւս չենք ուզում զոհել, բնական է, զինադադար է, բայց եւս մի անգամ համոզվեցինք, որ թուրքը չի հասկանում այդ լեզուն»։