«Չշշկռեք» հանրության աչքին թոզ փչել
Նիկոլ Փաշինյանը իշխանափոխության իր սցենարն է շրջանառության մեջ դրել: Ամենայն հավանականությամբ ընդդիմության վերջին բազմամարդ երթերը իշխանության ներսում ճաքեր է առաջացրել, հասկացել են, որ այս պայմաններում երկար դիմակայելն անհնար է լինելու, որոշել են սեփական սցենարը շրջանառել: ԱԺ խոսնակ Արարատ Միրզոյանը նոյեմբերի 9-ի հայտնի միջադեպից ապաքինվելուց հետո ինչպես հայտնի է քաղաքական-հասարակական շրջանակների հետ ակտիվ շփումների մեջ է: Լուսանկարներ ու հաղորդագրություններ են տարածվում կաթողիկոսի, ՄԻՊ-ի եւ այլոց հետ հանդիպումներից ու հանրությանը տեղեկացնում, որ քննարկումն ընթացել է ստեղծված իրավիակի շուրջ: Վերջին օրերին Միրզոյանն առավել ակտիվ հանդիպումներ է ունենում քաղաքական սեգմենտի հետ, ավելի ճիշտ մինչ այս պահը մարդ-կուսակցությունների հետ է հանդիպել, այլ բան դժվար էլ կարողանար, քանզի դժվար թե այս իշխանությանն իրեն հարգող քաղաքական ուժ այժմ աջակցի:
Այսպիսով՝ մեկ օրվա ընթացքում նա հանդիպել է Արամ Սարգսյանի՝ Վազգենի եղբոր, Գուրգեն Արսենյանի եւ Լեւոն Շիրինյանի հետ, նշված երեքն էլ կուսակցության ղեկավարներ են, սակայն երեք կուսակցությունների անդամերը միասին վերցրած հազից թե հարյուր մարդ կազմեն:
Այս հանդիպումների շարքով ՀՀ իշխանություններն ի դեմս Արարատ Միրզոյանի փորձում են ցույց տալ, որ քաղաքական դաշտում դեռ կան ուժեր, որոնք չեն խորշում դավաճանի պիտակ ստացած իշխող ուժի ներկայացուցիչների հետ նույն սեղանի շուրջ նստել։ Չի բացառվում, որ առաջիկայում նման ալիբրի մի խումբ կուսակցություններ անգամ ի աջակցություն հայտարարությամբ հանդես գան, մոտվորապես, փորձելով 17 եւ ավելի ուժերին այլընտրանք ձեւավորել: Իսկ այս գործընթացի վերջնանպատակն էլ այն է, որ եթե իրավիճակը դուրս գա վերահսկողությունից եւ Նիկոլ Փաշինյանն ի վերջո աչքերը լայն բացի ու տեսնի, որ փողոցում ժողովուրդ է կանգնած՝ տասնյակ հազարներով, որոնք պահանջում են իր հեռացումը, չի բացառվում, որ հրաժարական ներկայացնի, սակայն վարչապետի պաշտոնը փոխանցի ոչ թե ընդդիմության միասնական թեկնածուին, այլեւ Արարատ Միրզոյանին: Հենց այս նպատակով էլ նրա շուրջը իբր քաղաքական կոնսոլիդացիա է ստեղծվում: Մինչդեռ դժվար թե այդ սցենարը նպաստի իրավիճակի լիցքաթափմանը, եթե չասենք հակառակը: Քանզի կատարվածի համար պատասխանատու եւ մեղավոր է իշխող թիմն ամբողջությամբ: Թեեւ հանուն արդարության այնտեղ թիմ էլ չկա, այնտեղ մեկ անձի վրա հիմնված բռնապետական խմբակ է, եւ երիսց ճիշտ էր Արմեն Աշոտյանն, ով ասում էր, որ եթե պատգամավորնեի փոխարեն Նիկոլի սելֆիի ձողը կամ գլխարկն էլ լիներ այդ ցուցակում, միեւնույն է պառլամենտ էր անցնելու: Իսկ Արարատ Միրզոյանը հիշեցնենք, որ Նիկոլի ամենամոլի վկան է, ով պատերազմի օրերին էլ հստակ իմանալով, թե ինչն ինչոց է իր էջում շարունակում էր Նիկոլապաշտությամբ զբաղվել իսկ ժողովրդին սպառնում էր գերագույն հրամանատարի հարցով <Չշշկռել>, այնպես որ հիմա դուք էլ չշշկռեք ու չփորձեք հանրությանն էշի տեղ դնել:
Անի Սահակյան
Հետևեք մեզ Viber-ում
