Զոհերի հաշվին PR ակցիա

Նիկոլ Փաշինյանը երեկ հայտարարել է, որ դեկտեմբերի 19-ից Հայաստանում եռօրյա սուգ է հայտարարվելու՝ ոգեկոչելու համար պատերազմի ընթացքում զոհվածների հիշատակը։ Դեկտեմբերի 19-ին լրանում է նոյեմբերի 9-ին ստորագրված համաձայնագրի 40-րդ օրը, դրա համար էլ Փաշինյանի խոսքով՝ սուգ է հայտարարվելու հատկապես այդ օրվանից սկսած։ Հայաստանում սուգ հայտարարելու անհրաժեշտության մասին մինչդեռ խոսում էին նոյեմբերի 9-ին կապիտուլյացիոն համաձայնագրի ստորագրումից անմիջապես հետո, երբ արդեն իսկ լրացել էր պատերազմի առաջին օրերին զոհվածների մահվան 40-րդ օրը։ Իշխանությունը, սակայն, անդրդվելի էր, ավելի ճիշտ՝ խիստ զբաղված աթոռապահպանման գործով:
Այո, հիմա էլ է շարունակում այդ գործընթացը եւ կասկած չկա, որ սուգ հայտարարելու պարագան եւս ծառայեցվելու է այդ նպատակին: Ինչպես Հայրենիքի փրկության շարժման համակարգող Իշխան Սաղաթելյանն է հայտարարում, Փաշինյանը ցանկանում է եւս մի քանի օր երկարացնել իր պաշտոնավարումը: Բացի դրանից, անկասկած է, որ նախատեսվող երթը նա քաղաքական նպատակներին ծառայեցնելու մղումով է կազմակերելու: Բանն այն է, որ այդ օրը տեղի է ունենալու նաև սգո երթ՝ դեպի Եռաբլուր։ Մեծ հավանականությամբ, Նիկոլ Փաշինյանը որոշել է այդ երթով իր հրաժարականը պահանջողների ակցիաներին ի պատասխան միջոցառում կազմակերպել՝ ցույց տալու համար, որ իրեն աջակցողների թիվն ավելի է, քան հրաժարական պահանջողներինը։
Բացառված չէ,որ երթը կառաջնորդի հենց ինքը՝ Նիկոլ Փաշինյանը։
Այդ մասին դեռևս չի հայտարարվում հավանաբար այն պատճառով, որ իշխանությունը ցանկանում է ստուգել հանրության արձագանքը, և եթե պարզ դառնա, որ մեծ թվով քաղաքացիներ են պատրաստվում մասնակցել սգո երթին, վերջին պահին դրա առջևում կհայտնվի Նիկոլ Փաշինյանն՝ իրագործելով իր ճղճիմ նպատակը: Ուստի ինչպես Վազգեն Մանուկյանը հայտարարեց անպատվաբեր է մասնակցե Փաշինյանի կազմակերպած երթին, քանզի սգի 99 տոկոս մեղավորը հենց ինքն է , ով սգո օրեր է հայտարարում:Որ այս մարդու ուշքնումիտքը միայն սեփական աթոռն է ե դրա պաշտպանությունը ու բոլո քայլերն արվում են բխեցնելով դրանից, վկայում է նաեւ նրա՝ իր ընտանիքի վերաբերյալ հայտարարությունը, թե միակ անշարժ գույքը, որին երկիր մոլորակի վրա տիրապետում է իր ընտանիքը, Երևանի Շենգավիթ վարչական շրջանում գտնվող բոլորիդ հայտնի բնակարանն է: Դուք պատկերացնում եք՝ երկիրը խորտակվում է հոգսերի ու խնդիրների մեջ, երկրում համազգային սուգ է եւ քաոս, այս մարդը պողոսների ականջից լապշաներ է կախում, թե ինչ ունի եւ չունի իր ընտանիքը: Դրա մասին կարծում ենք պողոսները առաջիկա տարիներին նոր հորիզոններ կբացահայտեն իրենց համար, հիմա պատեհ պահը չէ ու սիրտ էլ չկա նրանց հիշեցնելու, կամ ներկայացնելու փաշինյանների ընտանեկան բիզնեսներն ու կարողությունները: Միայ փաստը, ո մարդիկ հայրենիքն են փողով վաճառել, բավական է հասկանալու համար, թե ինչեր են գնել նրանք երկուսուկես տարիներին:

Անի Սահակյան