Արտահերթ ընտրություններին աննախադեպ ջարդ և կեղծիքներ են լինելու․ Վազգեն Մանուկյան
«Եթե նույնիսկ այս պարտությունից հետո ինքը դուրս չի գալիս, դուք պատկերացնո՞ւմ եք՝ արտահերթ ընտրությունները ինչ են լինելու. աննախադեպ ջարդ եւ աննախադեպ կեղծիքներ են լինելու: Նիկոլ Փաշինյանը 2018-ին կարող էր հանգիստ ընտրվել եւ ընտրվել է, բայց հիմա ինքը գիտի, որ չի ընտրվելու: Ինքը բոլոր միջոցներին դիմում է, որ մնա իշխանության: Ուրեմն դուք մտածում եք, որ մարդիկ գնան թուղթ գցեն արկղի մեջ ու ինքը թողնի գնա՞: Դա բացառվում է: Ես դրանում համոզված եմ»,- ընդդիմության կազմակերպած «անհնազանդության երթի» ժամանակ լրագրողների հետ զրույցում նշեց Հայրենիքի փրկության շարժման» վարչապետի թեկնածու Վազգեն Մանուկյանը:
Իշխանությունները հարց են բարձրացնում, թե ընդդիմությունն ինչո՞ւ չի պահանջում արտահերթ ընտրություններ հարցին, Վազգեն Մանուկյանն ասաց. «Որովհետեւ ընդդիմությունը գիտի, որ այդ արտահերթ ընտրությունները կեղծիք է լինելու: Այստեղ ընտրությունների հարց չի. ինքը մեր երկիրը կործանել է: Երկիր կործանողը կամ ինքնասպանություն է գործում, կամ դուրս է գալիս»:
Հետևեք մեզ Viber-ում
