Երկու դավաճան քցողների բազառը
Նախօրեին համացանցում է հայտնվել մի սենսացիոն ձայնագրություն: Ձայնագրված է Արցախի նախագահ Արայիկ Հարությունյանի և Արցախի ԱԺ նախկին պատգամավոր, ազատամարտիկ Ռուսլան Իսրայելյանի հեռախոսային խոսակցությունը: Ռուսլան Իսրայելյանը արդեն հաստատել է, որ դա իրական խոսակցություն է՝ նշելով, որ չգիտի, թե ով է ձայնագրել եւ ով հրապարակել: Ըստ զրույցի՝ Արայիկ Հարությունյանը զրուցակցին բաց տեքստով գանգատվում է, որ 10 օր շարունակ Նիկոլ Փաշինյանին խնդրում է օգնության «մարդ ուղարկել», որ «Ստեփանակերտն ու Մարտունին փակի»՝ պաշտպանությունն ապահովի, սակայն Փաշինյանը մարդ չի ուղարկում:
Ռուսլան Իսրայելյանն Արցախի նախագահին հորդորում է «դրանց բացատրել», որ եթե Արցախն ուզում են հանձնել, մարդ չեն ուղարկում, ապա կգան Երևան ու բոլորին կկոտորեն՝ «նիկոլ-միկոլ, կնգյանավ-մնգյանավ»...
Եւ ահա, եւս մեկ դրվագ, որտեղ հիշատակվում է Նիկոլ Փաշինյանի կնոջ անունը: Առաջին անգամ Աննա Հակոբյանի՝ պատերազմի ընթացքում բասացական դերակատարման մասին խոսեց Մովսես Հակոբյանը :
Այս հարցազրույցը քաղաքական-հասարակական շրջանակներում ներկայացվեց այն լույսի ներքո, թե Արայիկ Հարությունյանն ինքն էլ Նիկոլ Փաշինյանի դեմ քայլ է անում եւ ուզում է մաքուրով դուրս գալ այս դավաճանական ծրագրից: Միանգամից ասենք՝ չի ստացվի:
Արայիկ Հարությունյանը ճիշտ կանի այս ամենի մասին հրապարակային խոսեր, պատերազմի ընթացքում իրենց թույլ տված սխալների մասին, պատմի, որ պատերազմի դաշտում վիճակն օրհասական էր, մինչդեռ իրեն ինչ որ մարդիկ պարտադրում էին սուրճ խմել սահմանին, ցուցադրել հոլիվուդյան ժպիտը: Քանզի դա տեղավորվում էր Նիկոլ Փաշինյան-Աննա Հակոբյան զույգի՝ Արծրուն Հովհաննիսյանի միջոցով տեղեկատվական հաղթարշավի շրջանակներում, այդպես էին խաբում հայ ժողովրդին: Արայիկ Հարությունյանը ճիշտ կանի խոսի, թե ինչու պատերազմից առաջ պետությանը վաճառեց իր տասնյակ հեկտար հողերը: Պատերազմից հետո էլ հաջողացրեց անգամ ՀԷԿ-երը վաճառել:
Իսկ կարող է Արցախը Ադրբեջանին մի քանի միլիարդով ծախելու գործարքում ինքը փայ ունի:
Խոսի պատերազմական դավաճանությունների եւ դավադրությունների մասին: Ասենք Արցախի ՊԲ նախկին հրամանատար Ջալալ Հարությունյանի առեղծվածային մահափորձի մասին, նա պետք է խոսի ու ասի՝ ում պատվերով դա արվեց եւ ինչու:
Թող պատմի եւ շատ մանրամասն՝ ինչպես Շուշին հանձնեցի Նիկոլի սիրելի Ալիեւին:
Հակառակ դեպքում նա կիսում է կատարվածի ատասխանատվությունը, իսկ նման ձայնագրություն սպրդելով ընդամենը ցույց տալիս, որ ինչ որ բան չեն կարողանում կիսել եւ իրենց բազառում ընտրել են շանտաժի լեզուն:
Անի Սահակյան
Հետևեք մեզ Viber-ում
