Ինչու է ԱԱԾ պետը կատարում Փաշինյանի պատվերները
Նիկոլ Փաշինյանի ու նրա կառավարության մնալու ամեն մի օրը մեզ համար մեծ կորուստ է տարբեր առումներով՝ տարածքային, մարդկային, նյութական, բարոյահոգեբանական: Այսօր հայտնի դարձավ, որ Ադրբեջանն Արցախի հարավում հարձակման է անցել եւ գրավել Թաղեր գյուղը, սակայն այս մարդը զբաղված է բացառապես սեփական աթոռի համար կռվով: Այսօր ձերբակալվել է բնապահպանության նախկին նախարար Վարդան Այվազյանը: Մինչ այդ ԱԱԾ-ն ժամեր շարունակ խուզարկություն է իրականացրել Չարենցավանի ՀՀԿ գրասենյակում, ինչպես նաեւ Վարդան Այվազյանի բնակարաններում: Խուզարկությունից հետո նախկին պատգամավորին ձերբակալել են, ըստ փաստաբանի՝ Վարդան Այվազյանը կասկածվում է նոյեմբերի 9-ից 10-ի գիշերը հայտնի կապիտուլացիայի փաստաթղթի ստորագրմանը հաջորդած բողոքի ցույցեր կազմակերպելու մեջ:
Ակնհայտ է, որ սա Նիկոլ Փաշինյանի հրաժարականի դեմ ցույցերը ճնշելու, քաղաքական ռեպրեսիաների հերթական դրսևորումն են։ Վարդան Այվազյանն իր ընկերների հետ այս օրերին ակտիվորեն մասնկացում են Փաշինյանի դեմ ցույցերին, ակցիաներին, երեկ էլ ճանապարհ էին փակել, ու հիմա ԱԱԾ-ականներին քսի տալով բողոքավորների վրա, նրանց ուղարկելով բնակարաններ, Նիկոլ Փաշինյանը թերեւս հույս ունի՝ լռեցնել կամ վախեցնել իր դեմ խոսողներին, որ նրանք այլևս դուրս չգան փողոց ու չպահանջեն իր հրաժարականը։
Նիկոլ Փաշինյանը, անշուշտ, նման հրամաններ տալու լրջագույն պատճառներ ունի, նա ամեն ինչ անելու է, որպեսզի մնա իր աթոռին, չկորցնի իշխանությունը, քանզի դա կարող է լինել ոչ միայն իշխանության կորուստ: Նա դավաճանաբար հանձել է Արցախը, զոհաբերել մի քանի սերունդ , նա մեր հայրենիքը ծախել է թշնամուն ու իր հեռանալուն պես կանգնելու է արդար դատաստանի առջեւ: Բայց ի՜նչ պատճառ ունի ԱԱԾ տնօրենը, որ կատարում է այս դավաճանի պատվերները: Միթե այս մարդիկ մտածում են, որ Նիկոլ Փաշինյանն իր պաշտոնում մնալու շանս ունի եւ շարունակում են ծառայությունը: Միթե այս մարդկանց մտքով չի անցնում, որ վաղը Նիկոլ Փաշինյանը գնալու են եւ նրա հետ պատասխանատվության առջեւ են կանգնելու բոլոր նրանք, ովքեր պաշտպանել են դավաճանին:
Վերադառնալով Վարդան Այվազյանին առաջադրված մեղադրանքին, նշենք, որ մեր տեղեկություններով՝ նշված օրը պարոն Այվազյանը իբրեւ ՀՀ արժանապատիվ ու հայրենասեր հայերից մեկը ներկա է գտնվել կառավարության մոտ տեղի ունեցող բողոքի ակցիային , սակայն նա շքամուտքից առաջ չի բարձրացել: Ինչ է նա դրա իրավունքը չունե՞ր, չէ որ Նիկոլ Փաշինյանն էր վարչապետ դառնալուց հետո հայտարարել, որ կառավարությունը քաղաքացիների տունն է, երբ կուզեն, կգան իրենց տուն:
Այնպես որ, Նիկոլ Փաշինյանի հպատակ իրավապահ ստրուկները պետք է ապացուցեն՝ Այվազյանը որպես ՀՀ արժանապատիվ քաղաքացի տանտիրոջ իրավունքով է այդ պահին կառավարությունում գտնվել, թե եղել է ակցիայի կազմակերպիչներից մեկը:
Անի Սահակյան
Հետևեք մեզ Viber-ում
