Արցախի դիմաց 5 մլրդը Նիկոլին տվել են, ինչ կուզեն՝ կասեն

Արցախի անկախության հանրաքվեի ու Սահմանադրության օրը՝ դեկտեմբերի 10-ին, այսինքն՝ մեր ազգային հպարտության և ինքնության վերագտնման օրը ստիպված էինք դիտել Բաքվի ռազմական շքերթը։ Ալիևն ու Էրդողանը վայելում էին իրենց հաղթանակը․ շքերթի էին հանվել հայկական սպառազինությունն ու զիտեխնիկան, որը թշնամին առգրավել էր Արցախում։ Ըստ որոշ տեղեկությունների՝ հայ ռազմագերիներին հրապարակ չեն հանել միայն Կրեմլի միջամտության հետևանքով։ Ալիևն իր ելույթում բացահայտ հայտարարել է, որ իրենց ախորժակը գնալով բացվում է՝ իրենք դեռ Սյունիքը, Սևանն ու Երևանն էլ են ուզում վերցնել։ Ալիևն ասել է, որ Էրիվանը, Զանգեզուրն ու Սևանը իրենց պատմական տարածքներն են։ Էրդողանն էլ հայ ժողովրդին պատմությունից դասեր քաղելու ցինիկ կոչեր է արել՝ հայտարարելով, թե Բաքվի զորահանդեսի օրը Էնվեր փաշայի հոգու լուսավորման օրն է։
Համազգային այս ստորացմանը պաշտոնական Երևանի կողմից որևէ հակադարձում չի արվել՝ ո՛չ ԱԳՆ-ն, ո՛չ էլ կառավարությունը որևէ կերպ չեն արձագանքել այս աննախադեպ խայտառակությանը։ Միայն օրվա վերջում Նիկոլ Փաշինյանի խոսնակ Մանե Գևորգյանը ինչ-որ տեքստ է հրապարակել Բաքվում տեղի ունեցած հրապարակային լկտիության անթույլատրելիության մասին։ Հասկանում են չէ՞, ինչ ողորմելի վիճակում է պետական իշխանությունը։ Մեզ ծաղրում են Էրդողանն ու Ալիևը, նրան պատասխանում է ոչ ավել-ոչ պակաս Մանե Գևորգյանը, որը, մեղմ ասած, ոչ ոք է քաղաքական նման կոնֆիգուրացիայում։ Սա զուտ նիկոլասեր զոմբիների համար մտածված էժանագին մանիպուլիացիա է, որ նրանք փոքր ինչ մխիթարված զգան։ Իրականում մենք՝ որպես ազգ ու պետություն, որբի գլխի կարգավիճակում ենք, որին ով ինչպես կարողանում տրորում է։
Որտե՞ղ է բոլորիս ասֆալտին փռող ու պատերին ծեփող ճղճղիկ վարչապետը։ Նիկո՛լ, մեռե՞լ ես, դուխ արա, գոնե պատասխանի՛ր Էրդողանին ու Ալիևին, արդեն Երևանը վերցնելու մասին են խոսում, ցեղասպանության հեղինակին են փառաբանում, համրացե՞լ ես, գոնե մի հատ լայվ մտի, թե՞ 5 մլրդը Արցախի համար տվել են, ինչ կուզեն՝ կխոսեն։ Հերթը Սյունիքի՞նն է․․․․
Գոնե գիտես, որ իր գոյության 100 տարիների ընթացքում Ադրբեջանը երբեք հաղթանակ տոնելու առիթ չէր ունեցել։ Դո՛ւ, հենց դո՛ւ էիր այն առաջինը, որ հաղթանակ նվիրեց Ալիևին։ Դո՛ւ, հենց դո՛ւ էիր այն առաջինը, որ բանտարկեցիր Ալիևին ու նրա հորը պարտության մատնած Արցախի առաջին, Հայաստանի երկրորդ նախագահ Քոչարյանին, և հիմա ստանում ենք պատասխանը։ Արցախյան պատերազմի ժամանակ ադրբեջանցիներին ահուսարսափի մեջ պահած բոլոր հերոոսներին հերթով ոչնչացրիր, գեներալ Մանվելին տուշոնկաներով խայտառակեցիր, /չնայած որ երկուսուկես տարվա ընթացքում մեղքն ապացուցող բավարար հիմքեր չեն ներկայացվել/, բոլոր գեներալներին, ում ինչպես կարողացար, նսեմացրիր, և հիմա մենք բոլորս ստանում ենք քո հեղափոխական տականքության պատասխանը։
Հիմա մեզ հրապարակավ ստորացնում է թշնամին, մենք խայտառակված ենք աշխարհում, որովհետև դու Ադրբեջանին նվիրեցիր 192 բնակավայր, որոնցից 120-ը, այդ թվում՝ Քարվաճառը հանձնեցիր առանց կռվի: Դու մեզ զրկեցիր Շուշիից, մենք քո շնորհիվ այլևս չունենք մայիսյան եռատոն, չունենք Հադրութ։ Դու կազմաքանդեցիր հայոց բանակը, դու մահվան տարար մեր 5000 լուսավոր տղաներին, 10 հազար վիրավորների, հարյուրավոր անհետ կորածների ու հարյուրավոր գերիների հարազատներին սգավոր ու դժբախտ դարձրիր։ Դու արժանի ես կոչվել Ադրբեջանի ազգային հերոսի՝ քեզ արժանի կոչմանը։ Գնա Բաքու և ստացիր պարգևդ։ Իսկ այն մարդիկ, ովքեր ժամանակին գուցե սխալմամբ քեզ հավատում էին, սակայն այսօր էլ դեռ շարունակում են պաշտել, թող վայելեն այն Հայաստանը, որ դու բերեցիր քո հեղափոխությամբ։ Թող վայելեն՝ հիշելով, որ իրենք ապրում են քո խոստացած երջանիկ Հայաստանում, և իրենց զգում են անասելի հպարտ, որովհետև, դո՛ւ, հենց դո՛ւ ես իրենց հողատու վարչապետը, Նժդեհի ասած հայի տականքը։

Հայկ Դավթյան