Վերջ. Էրդողանն ու Ալիևը պայթեցրեցին Փաշինյանի թրքասիրությունը

Դեկտեմբերի 10-ը ԼՂՀ անկախության հանրաքվեի օրն էր, 1991 թվականի դեկտեմբերի 10-ին կայացավ Լեռնային Ղարաբաղի անկախության հանրաքվեն, երբ արցախցիների 99,8%-ը կողմ քվեարկեց անկախությանը։

Այսօր՝ դեկտեմբերի 10-ին Բաքվում անցկացվեց զորահանդես՝ Ղարաբաղում «տարած հաղթանակի» համար:

Ալիևն ու Էրդողանը կողք-կողքի կանգնած, ուս-ուսի տված «վայելում» էին Արցախից առգրավված զինտեխնիկան՝ երջանիկ հայացքներով:
Իսկ ինչ եք կարծում, պատերազմի ավարտին՝ Բաքվում հնչե՞լ են հայերի հետ խաղաղ ապրելու ելույթներ, ինչպես վերջին օրերին հնչում են Հայաստանում՝ Փաշինյանի իշխանության ներկայացուցիչների կողմից...

Աշխարհի քարտեզի վրա 1918թ. հայտնված Ադրբեջան պետության նախագահ Իլհամ Ալիևն օգտագործել է Բաքվում ռազմական շքերթի առիթն իր տարածքային նկրտումները Հայաստանի նկատմամբ ի ցույց դնելու համար: Նա հայտարարել է, թե իբր Զանգեզուրը, Սևանն ու Երևանն ադրբեջանական պատմական տարածքներն են: Ալիևը նշել է՝ իբր «ադրբեջանական ժողովուրդը դարերով ապրել է այժմ Հայաստանի Հանրապետության սահմաններում գտնվող այդ տարածքներում, հետո տեղահանվել իրենց պատմական հողերից»:

Այսինքն, տասնամյակներ շարունակ Արցախի տարածքների նկատմամբ ունեցած նկրտումներից հետո հիմա Ալիևը հստակ ներկայացնում է իր հետագա նպատակները՝ Էրդողանի կողքին կանգնած: Պաշտոնական Բաքվի հաջորդ նպատակը միջազգայնորեն ճանաչված Հայաստանի Հանրապետության պետական սահմաններն են
Բաքվում անցկացվող շքերթին Թուրքիայի նախագահ Ռեջեփ Թայիփ Էրդողանի մասնակցությունն, իհարկե, անթաքույց քաղաքական և ռազմական աջակցություն էր Ադրբեջանին:

Ի դեպ, Էրդողանն էլ ելույթ ունեցել շքերթի ժամանակ, և ինչ ե՞ք կարծում ում է հիշել...

Նա հիշել է Էնվեր փաշայի հոգին, որն ըստ նրա այսօր փառավորվել է:

Ի դեպ, լրատվամիջոցները հայտնում են, որ այսօրվա ռազմական շքերթին մասնակցելու նպատակով Թուրքիան Բաքու է ուղարկել 2783 զինծառայողներ, այսինքն՝ ճիշտ այնքան, որքան ադրբեջանական կողմը, ըստ պաշտոնական տվյալների՝ ունի զոհեր վերջին պատերազմում:

Իսկ ինչ եք կարծում, թուրք զինվորականները վերադառնալո՞ւ են Թուրքիա, թե՞ մնալու են Ադրբեջանի տարածքում:

Ինչ պետք է անի Հայաստանը: Միանշանակ պատրաստվի պատերազմի, այլ ոչ թե Թուրքիայի ու Ադրբեջանի հետ «չարչիության»: Իսկ Փաշինյանի իշխանությունը, որը կապիտուլյացիայի փաստաթուղթ է ստորագրել՝ ունա՞կ է դա անել: Միանշանակ՝ ոչ:
Ուրեմն ՀՀ հասարակության թիվ մեկ անելիքն է՝ Փաշինյանին ճանապարհել ու պատրաստվել պատերազմի՝ ռազմավարական դաշնակից Ռուսաստանի հետ նոր ռազմաքաղաքական համաձայնագրերով:

Մետաքսյա Շալունց