Նիկոլ Փաշինյանը հանձնում է նաեւ Սյունիքը

Սյունիքի մարզի Արավուս գյուղի տարածքից հայկական կողմը պարտադրված է եղել 800 մետր նահանջել։
Ադրբեջանցի զինվորները GPS-ով սահմանները գծելիս Սյունիքի Արավուս գյուղից պահանջել են 800 մետր նահանջել:
Գյուղապետ Արգամ Հովսեփյանը փորձել է բանակցել ադրբեջանցիների հետ, սակայն թուրքերը սպառնացել են, թե եթե հետ չգնաք, անօդաչու սարքերով վառելու ենք։
Մեկ շաբաթ գյուղի դիրքերը պահելուց հետո արավուսցիները ստիպված են եղել նահանջել։
Թուրքին են անցել գյուղի պահուստային հողերը եւ շատ կարեւոր բարձունքներ։
Բնականաբար, իշխանությունից որեւէ մեկը չի գտնվել, որ բանակցի թուրքի հետ։

Գյուղի վարչական ղեկավար Արգամ Հովսեփյանը լրատվամիջոցներին պատմել է, որ ինքը զրույց է ունեցել առաջին կորպուսի հրամանատարի հետ,ով իրենց փորձել է հավաստիացնել, թե GPS–ը ցույց է տալիս, որ այդ հողերը թուրքինն են.<<Ասացի՝ դու ասում ես, որ իրենցն է, ես էլ ասում եմ, որ իմն է։ Ես կադաստրի հետ պայմանագիր ունեմ, բացի այդ մեր կադաստրը, եթե սահմանից դուրս է գալիս, ինքը պայմանագիր չի կապում, մերն է, չէ՞, որ կապել է»։
Ըստ նրա՝ թշնամին իր դիրքերը Արավուսից ընդամենը օդային 500 մետր հեռավարության վրա է դրել։ Արգամ Հովսեփյանն էլ նրանցից 30 մետր հեռավորության վրա դիրքավորվել է, դրոշը տեղադրել, ավտոն կանգնեցրել։Պատմել է նաեւ, որ դեռ մի շաբաթ առաջ ադրբեջանցիները եկել են ու ասել, թե իրենց տարածքն է, բանակցությունների արդյունքում այդ պահին հետ է կանգնել, բայց հաջորդ օրերին կրկին փորձել են առաջանալ։
Ու եթե այսքանից հետո կգտնի մեկը, ով կփորձի արդարացնել կամ աջակցել Նիկոլ Փաշինյանին, նա հավասարապես դավաճան է ու հայրենիքը ծախող: Ինչ է նշանակում համայնքին միայնակ թողնել թշնամուն դեմ հանդիման ու տեր չկանգնել Հայաստանի սահմաններին: Վերջապես Հայաստանում իշխանությու կա՞, թե այն ոչնչացվել է նոյեմբերի 9-ին, երբ Նիկոլ Փաշինյանը մի գրչի հարվածով ջնջեց մեր հերոսական պատմությունը:
Նիկոլ Փաշինյանը այդ օրվանից հետո հայտարարեց, թե անձամբ կրում է ստեղծված իրավիճակի պատասխանատվությունը եւ այս իրավիճակից դուրս գալու համար առաջիկա վեց ամիսների համար ճանապարհային քարտեզ ներկայացրեց, գործողությունների շարք, որոնք իբր պետք է թոթափեն ստեղծված իրավիճակը: Սակայ իրականությունն այն է, որ այս հողատուն մատը մատին չի խփում, թուրքն արդեն մտել է Սյունիք, իսկ ինքը աթոռը գրկել ու պինդ նստել է, նրա բոլոր գործողություններն այն մասին են, որպեսզի աթոռը չհանձի ուրիշներին:

Հետաքրքիր է՝ բոլոր նրանք, ովքեր ցայսօր զբաղված են կռապաշտությամբ եւ Նիկոլ Փաշինյանի երկրպագությամբ, հիմա էլ են շարունակում նույնը անել, երբ այս արդու ստորագրած փաստաթղթով հանձնում ենք ոչ միայն Արցախը, այլեւ Հայաստանի հարավային դարպասը:Դատելով իշխանության անգործությունից, կարող ենք ասել, որ հողատուն վռել է նաեւ Սյունքի ճակատագիրը

Անի Սահակյան