Անհաջող թատրոն

Նիկոլ Փաշինյանն այցելել է Գյումրի եւ հարգանքի տուրք մատուցել 1988 թ. երկրաշարժի զոհերի հիշատակին:
Ի տարբերություն նախորդ տարիների, այս անգամ Գյումրիում անվտանգության խիստ միջոցառումներ են ձեռնարկվել, փակվել են քաղաքի կենտրոնական մի շարք փողոցներ, իսկ Նիկոլ Փաշինյանի տեղաշարժն իրականացվել է անվտանգության մի քանի տասնյակ աշխատակիցների ուղեկցությամբ:

Այցի մասին պատմող տեսանյութից արդեն իսկ տեսանելի է դառնում, որ Փաշինյանն այլեւս չունի այդքան դուխ ազատ քայլելու ժողովրդի շարքերում, բայցեւայնպես նա որոշել է զոմբիներին կերակրել իր հիմանդրած եւ երկուսուկես տարի գոյություն ունեցող ֆեյքային իրականությամբ:
Եւ այսպես, պարզվում է՝ աղետի գոտին դեռ չհաղթահարած, Հայաստանի ամենախնդրահարույց համայնքնեից մեկի բնակչության դարդուցավը 17 ուժերն են ու ընդդիմության հավաքները: Փաշինյանին Գյումրիում մոտեցել են մի խումբ մարդիկ, ովքեր անեծքներ են թափել ընդդիմադիրների հասցեին, մի կին էլ փարվել է Փաշինյանի կրծքին խնդրելու: «Դու մեզ մենակ չթողնես, մենակ էդ եմ խնդրում՝ մեզ մենակ չթողնես էդ դավաճանների ձեռքը»,- ասել է գյումրեցի կինը:

Բնակիչներից մեկն էլ շնորհակալություն է հայտնել վարչապետին, ասել, որ ինքը դավաճան չէ:
Ինչպես ասում են՝ խոսքերն ավելորդ են: Նիկոլ Փաշինյանին թվում է, որ եթե ինքը կտրվել է իրականությունից ու չի նկատում պարզ իրողություններ, ապա իր մանիպուլացիաների շնորհվ կարող է նույնով սնել նաեւ իր զոմբիներին:
Իհարկե, կարելի է նրան կարեկցել ու խղճալ, եթե ամեն ինչ այսքան տխուր ու վտանգավոր չլիներ:
Մենք երկուսուկես տարի հանդուրժել ենք իշխանության ստեղծած ֆեյքային իրականությունը, ինչ որ տեղ շարժվել նրանց խաղի կանոններով, երբեմն երկմտել իրականությունը բարձրաձայնելուց՝ վախենալով, որ կհայտնվեք ֆեյքերի ճիրաններում, մեք չխոսեցինք, երբ Նիկոլ Փաշինյանը իշխանության գալուց առաջ ավանարկեց հերոս Ռոբերտ Աբաջյանի ընտանիքին ու արդյունքն էլ եղավ այն, ինչ այսօր է: Հիշեցնենք, որ
2018 թվականի ապրիլին ներկայումս վարչապետի աշխատակազմի ղեկավար նշանակված քայլարած դիջեյը՝ Էդուարդ Աղաջանյանը մի կեղծ պապիկ էր բերել հրապարակ, նրա կողքը բռնել էր Աբաջյանի նկարն ու ցույց էր տալիս, թե, իբր, ժողովո՛ւրդ ջան, տեսեք, հերոս Ռոբերտի պապն էլ է Նիկոլի հետ։ Այդ օրերին այդպիսի քստմնելի տեխնոլոգիան ու մանիպուլյացիան, քայլարածների կարծիքով, պետք է աշխատեր ու Նիկոլին աթոռ ապահովեր։ Միգուցեեւ աշխատեց, հիմա հերթը այլ տեխնոլոգիայինն է, որին ականատես եղանք Գյումրիում, թե իբր մարդիկ խնդրում-աղաչում են իրենց մենակ չթողնել: Հողատու դավաճանը, այս ֆեյքային իրականությունը բեմադրելով, թերեւս փորձում է երկարացնել իր իշխանությունը, քանի որ անավարտ գործեր կան, թուրքին տալիք դեռ տարածքներ ունի:

Անի Սահակյան