Նախարար, թե՞ թուրքի գործակալ

Էկոնոմիկայի նորանշանակ նախարար Վահան Քերոբյանը թվում էր, թե հավակնում է ձեռնոց նետել իր շեֆին: Ընդամենը մի քանի օրվա նախարար էր, բայց հասցրել էր, թե իր ստերով, թե մանիպուլացիաներով վազանց անել Նիկոլ Փաշինյանին: Մենու-ի առաքիչից, համատեղության կարգով սեփականատիրոջից նախարարի աթոռին տեղափոխված այս դիլետանտը, ըստ էության, որոշել էր իրեն որպես երրորդ փրկիչ ներկայացնել ողնաշարը կոտրած պետության ու ժողովրդի աչքին: Մի քանի օր առաջ Հ1–ի եթերում հայտարարեց, որ ինքը հաջորդ տարի երկնիշ տնտեսական աճ է ապահովելու և եթե դա չանի, ապա իրեն չի ներելու: Փորձեց անգամ արդարացնել իր հողատու-դավաճան շեֆին՝ ասելով, թե սահմանների բացումը լայն հնարավորություն է ընձեռելու: Մեր արտահանողները կարող են իրենց արտադրանքը արտահանել Ռուսաստան և այլ երկրներ ավելի հարմար ճանապարհներով, քան՝ մինչև հիմա են անում:

«Բացվելու են թուրքական նավահանգիստները և ընձեռվելու են բազմաթիվ լայն հնարավորություններ։ Միգուցե նաև բացվի Ադրբեջանի շուկան մեզ համար, և մեր շուկան՝ Ադրբեջանի համար, բնականաբար պետք են գալու լավ գիտելիք ունեցող մարդիկ, որ կարողանան օգտվել դրանից»,-ասել էր նա

Այս հարցազրույցից հետո այլեւս կասկած չկար, որ նմանը նմանին է գտել, այսինքն Նիկոլ Փաշինյանը գտել է իր սրտի նախարարին, ով աշխատելու է հայտնի հեքիաթի <<ով այնպսի սուտ ասի>> չափորոշիչների համաձայն:

Նիկոլ Փաշինյանին այս նորաթուխի պես սուտասաններ են պետք, որոնք անհրաժեշտ պրոդուկտ կառաքեն զոմբիներին ու կկարողանան կանգուն պահել դավաճանի աթոռը:
Սակայն պարզվում է, սա վախկոտ ստախոսներից է եւ հայտարարություններն անում է ըստ լսարանի: Երեկ, երբ լրագրողները նրան նեղն են գցել, հացնելով, թե այդ ինչպես է պատկերացնում սահմաննեի բացումը, ադրբեջանցիների ու թուրքերի հետ տնտեսական համագործակցությունն ու քիրվայությունը, մեր երիտնախարարը անմիջապես նահանջել է, ասել, որ մարդիկ իրեն սխալ են հասկացել. «Ես ասել եմ, որ կբացվեն ճանապարհները, մենք պետք է պատրաստ լինենք, կրթվենք, սովորենք, մոդեռնիզացնենք մեր տնտեսությունը և այլն, ու միգուցե մի օր բացվեն նաև այդ ճանապարհները:Ես մանիպուլյատիվ և անիմաստ խոսակցությունների վրա չեմ պատրաստվում ժամանակ վատնել»: Իհարկե, մնում է հասկանալ՝ գիտի արդյոք նախարարը մանիպուլացիա բառի իմաստը եւ այս դեպքում ով է մանիպուլացիա անում՝ լրագրողները, թե ինքը, որ աչքալուսանք էր տալիս, թե բացում ենք սահմանները:

Մի խոսքով, ինչպես որ Նիկոլ Փաշինյանն է հայտնի որպես սուտասան, «քցող» և մուտիլովչիկ, նույնպիսի իմիջ է վաստակում նաեւ իր նախարարը, ով գործարարի կարգավիճակում նույնպես այդպիսին էր:

Վահան Քերոբյանի պատմած մյուս հեքիաթն էլ այն մասին է, որ նա միշտ է հավատացել եւ վստահել Նիկոլ Փաշինյանին: Ուշագրավ է, որ ընդամենը օրեր առաջ նույն Վահան Քերոբյանը Al Jazeera-ի հետ զրույցում պատմել էր, թե ինչպես է Հայաստանի ղեկավարությունն օգտագործել իրենց:

«Մեզ հեքիաթներ էին պատմում, որ մենք ուժեղ ենք, մենք մտածում էինք, որ մեր բանակը շատ ուժեղ է, շատ մեծ է, կարող ենք անել այն ամենն, ինչ ուզենանք, մինչդեռ իրականում հանրության շրջանում որևէ մեկն իրականության մասին չգիտեր: Հիմա ունենք այն, ինչին արժանի ենք»,- պատմել է գործարարը: Ըստ նրա` քարոզչությունն այնքան ուժեղ էր, որ զինվորները հավատացած էին Ադրբեջանի բանակի նկատմամբ իրենց առավելությանը»,- գրել է ալիքը:

Անի Սահակյան