Քարվաճառի դարպասները կհասնեն Երեւանի կենտրոն

Երեկ ճիշտ այն պահին, երբ խորհրդարանում իշխանությունն ու ընդդիմություն իրար էին քաշքշում, քաի որ ռազմական դրությունը վերացնելու ընդդիմադիրների առաջարկը բուռն հակազդեցություն է առաջացրել, հայտնի դարձավ, որ թուրքը սահուն քայլերով եւ բավականին վստահ հասել էր Վարդենիսի Սոթքի ոսկու գործարան:

80 հոգանոց թուրք-ադրբեջանական շարասյունով ջարդել են երեկ հանձնված Քարվաճառի կողպած դարպասներն ու պնդում են, որ իրենց քարտեզով Ադրբեջանը 2-3 կիլոմետր էլ առաջ պիտի գա` ուղիղ Սոթքի մեջ: Պաշտպանության նորաթուխ նախարարության հիմնարկից նախ ստեցին, ասելով` սուտ է Սոթք հասնելու մաիսն ինֆորմացիան:
Ապա գործի անցավ ստի մաստեր կլասի առաջամարտիկ վարչապետի խոսնակը՝ երկրորդելով՝ սուտ է: Ավելի ուշ համայնքային իշխանություններն ու տեղի բնակիչները հակադարձեցին, աացուցեցին, որ սուտ չէ, թուրքն իսկապես Սոթում է: Վարդենիսի քաղաքապետը, դպրոցի տնօրենը, բնակիչները ահազանգեցին, որ, այո, թուրքը մտել է մեր տուն, իսկ ովքեր չեն հավատում, կարող են անձամբ ներկա գտնվել ու համոզվել:Երբ այլեւս հնարավոր չեղավ ստով քողարկել այս խայտառակությունը, ՊՆ-ն մեղա եկավ, նոր հայտարարություն տարածեց, թե թուրքը դարպասի փականը չի ջարդել, մենք ենք բացել: Իբր երեկ դրված դարպասները ժամանակավոր էին, մինչև վերջնական սահմանազատումը կանենք: Ավելի ուշ՝ կեսգիշերին մոտ հրատապ ասուլիս հայտարարեց ԶՈՒ շտաբի պետի տեղական Տիրան Խաչատրյանը եւ էլ ավելի խճճեց պատմությունը՝ ասաց, թե հանքի մի մասը մեր ենթակայության տակ է, մյու մասը՝ ադրբեջանցիների, ասաց, որ մտել են հանքի տարածք, ուղղակի դա իրենց տարածքն է: Այդ դեպքում հարց է առաջանում՝ ինչի համար էին այդ դարպասները, որոնք երեկ փակվեցին՝ փակելով մեր պատմության հաղթական էջը:
Իրականությունն այն է, որ Հայաստանում այս պահին չկա իշխանություն, եւ դրանից էլ օգտվելով թուրքը որտեղ, որ պահին ինչ ուզում, այն էլ անում է:
Տեղի բնակիչներն էլ այսօր հաստատում էին, որ Հայաստանի իշխանությունից այդ պահին թուրքի հետ բանակցող չկա, միայն հայ հրամանատարն է, թուրքը և ռուսը:
Թուրքը դարպասը հրում է առաջ, քանի՞ կիլոմետր` դեռ պարզ չէ:
Թուրքը Արցախը կերավ ու մարսեց, հիմա մեզանից յուրաքանչյուրի տան ճամփին է: Չկա իշխանություն, չկա դիմադրություն ու չզարմանաք, որ վաղը Քարվաճառի դարպասները հայտնվեն Երեւանի սրտում:
Մյուս կողմից, որքան էլ մեղքը գցենք իշխանության վրա՝ ասլեով,որ թուրքին հայրենիք հանձնած գիշատիչը հոգեվարքի մեջ թպրտում է, ավելին իշխանությունը քցած է փողոցում, իրականությունն այն է, որ ընդդիմությունից էլ այն վերցնող չկա: Ընդդիմադիրներից եւ ոչ մեկը, փաստ է, որ չի ուզում ջանք գործադրել եւ վերցնել գետնին ընած իշխանությունը՝ կասեցնելով թուրքի ճանապարհը: Կասեք, պողոսներին բարդ է համոզելը, բայց իմացեք՝ կամ նրանք են թերթելու մեր պատմության վերջին էջը՝ այդ էջում փակելով բոլորիս ապագան, կամ մենք պետք է նրանց դարձի բերենք՝ մեծ ջանքեր գործադրելով:

Անի Սահակյան