Իսկ ով պետք է զբաղվի այս տականքով

«Հայաստան» համահայկական հիմնադրամի միջոցների մի մասը ծախսված չեն, մի մասը պատերազմի ընթացքում նվիրաբերվել էր ՀՀ կառավարությանը։ ԱԺ–ում պատգամավորների հետ հարցուպատասխանի ժամանակ այս մասին լկտիաբար խոստովանել է ՀՀ փոխվարչապետ Մհեր Գրիգորյանը:

«Սկզբնական իրավիճակում մենք ճիշտ համարեցինք կոնսոլիդացնել մեր ջանքերը և ծախսային նախապատվությունները որոշել մեկ կենտրոնում, որովհետև բոլորիս համար հասկանալի է, որ անցած 40-45 օրերի ընթացքում ծախսերի նախապատվությունը որոշելն ամենակարևոր հարցն էր»,– ասաց Գրիգորյանը` պարզաբանելով, որ կառավարությունը հիմնադրամի հետ համատեղ քննարկել է առողջապահական, սոցիալական և ենթակառուցվածքային բնույթի ծախսերը։

Գրիգորյանը խոստացավ, որ մոտ ժամանակներում հիմնադրամը հանդես կգա հաշվետվությամբ` մանրակրկիտ ներկայացնելով ծախսերի ուղղությունները։
Հիշեցնենք, որ պատերազմի օրերին հիմնադրամին փոխանցվել է ավելի քան 170 մլն դոլար։ Եւ հիմա, Արցախը կապիտուլացիայի ենթարկած այս խաժամուժն առանց հարցնելու նվիրատուների կարծիքները, առանց նրան տեղյակ պահելու որոշել է տնօրինել այն գումարները, որոնք մարդիկ նվիրաբերել են պատերազմի կարիքները հոգալու համար: Որքան էլ այս ապաշնորհները վստահեցնեն, որ այդ գումարներն էլի ծախսվելու են պատերազմից տուժածների խնդիրները հոգալու նպատակով, դա չի կարող արդարացնել նրանց ստոր արարքը, էլ չասենք, որ հիմա իրենց պես հիմարներն ու դավաճանները կարող են հավատալ իրենց խոսքին:

Սա նշանակում է, որ ռազմական և դիվանագիտական ճակատներում ստորացուցիչ պարտություն և ազգադավ համաձայնություն ստորագրած վարչապետն ու նրա կառավարությունը սնանկ են նաև սոցիալ-տնտեսական քաղաքականության հարցում և փորձում են իրենց երեսը պարզեցնել:  Մինչդեռ նվիրատուների ճնշող մեծամասնությունը ծրագրային և նպատակային նվիրատվություն էր կատարել, որոնց հասցեատերը բոլորովին էլ ՀՀ կառավարությունը չէր: Կարելի է պատկերացնել, թե այդ գումարներն ինչի վրա են այս կապիտուլատորներն օգտագործելու: Մարդիկ, որոնց համար Շուշին դժգույն ու դժբախտ քաղաք էր, այդպիսին է նաեւ Ստեփանակերտը, Մարտունին, Մարտակերտը, Ասկերանը: Եւ, ինչ, մեզ փորձելու եք համոզել, որ այդ գումարներն ուղղվելու են այդ քաղաքաների նորոգման վրա՞: Երիցս՝ ոչ, չի ստացվելու, ձեր համար դրանք մռայլ են ու գորշ, ու կարելի է պատկերացնել նրանց ապագայի հետ կապված ձեր սատանայական ծրագրերը:

Իսկ ձեր օրակարգում պարգևավճարներն ու ԱԺ բռնակներն են: Գուցե նաև նոր պարիսպ-բունկերների մասին եք մտածում, որովհետև ժողովրդի երեսին նայելու համարձակություն չունեք...
Մարդը տարիներով գումար էր հավաքել, որ տուն առներ, բայց փոխանցեց հիմնադրամին, որ հիմա դուք այն լցնեք ձեր լափամանը, փայ-փայ անեք, սա է ձեր այլանդակ եւ կապիտուլյանտ դեմքը:
Այնպես որ կառավարության կաբինետի այս փոխդավաճանը՝ Մհեր Գրիգորյանը, լոլոներ կարդալու փոխարեն լավ կանի հեռանա, որովհետեւ ժողովուրդն այլեւս չի վստահում իրենց եւ ոչ մի խոսքին:

Անի Սահակյան