Չմոռանանք այս սրիկաներին
Արդեն հստակ է, որ Նիկոլ Փաշինյանը փուռը տվեց իր 88 պատգամավորներին, այդ մասին է ասում նրանց խայտառակ հայտարարությունը, սակայն կան մարդիկ, որոնք կարող են ազատվել դավաճանի պիտակից, կարող են իրենց փրկել ազգի ահեղ դատաստանից, եթե քայլ անեն ու հայտնվեն հանրության կողքին, խոսեն իրականության մասին: Դրանցից մեկը ՀՀ արտգործնախարար Զոհրապ Մնացականյանն է.
հրաժարվեք պարոն նախարար ձեր աթոռից եւ պատմեք, թե պատերազմի երրորդ օրվանից սկսած ինչ են առաջարկել Նիկոլ Փաշինյանին միջնորդները, պատմեք, որ ավելի քան մեկ տասնյակ առաջարկ է ներկայացվել պատերազմի դադարեցման դիմաց, սակայն ամեն նորը նախորդից էականորեն վատը: Իսկ Նիկոլ Փաշինյանը միշտ մերժում էր մինչև համաձայնեց կապիտուլյացիային՝ հանձնելով գրեթե ամեն ինչ: Քանզի նրա պլանն իսկզբանե մեկն էր՝ հայրենիքը հանձնել թշնամուն:
Զոհրաբ Մնացականյանը պարտավոր էր ճիշտ ժամանակին ահազանգել վերահաս աղետի մասին: Պարտավոր էր, բայց չարեց: Բայց հիմա, հենց այս պահին կարող է իր վրա չվերցնել դավաճանի խարանը։ Հրաժարական տալ, խոսել, պատմել, թող ժողովուրդն իմանա` պատմիր, որ ներվես:
Կամ երբ երկրիդ անմեղսունակ նախագահն է հայտարարում, որ մամուլից է տեղեկացել, թե ինչ հայտարարություն է ստորագրվել, հիմա էս մարդը այս երկրի նախագահն է, թե չգիտես ով: Այ, անինքնասեր, իմացել ես ու դեռ շարունակում ես լոլոներ կարդալ, թե խորհրդակցություն ես սկսել, խորհրդակցությունդ քեզ պահիր, հիմա ժողովրդի կողքին միանալու ժամանակն է ու բացատրություն պահանջելը: Վեր կացեք ձեր աթոռներից, ժամավաճառության ժամանակը չէ, պահանջեք թող բացատրեն՝ ինչու այսպես եղավ, պահանջեք, որ հող հանձնողը ժամ առաջ հրաժարվի այդ պաշտոնից, քանզի դա է լինելու իր փրկության դուռը, լռելն ու խղճուկ տեքստեր տարածելը ձեզ մոտեցնոմ է դավաճանին, դեռ ունեք շանս, դեռ կարող եք ազատվել այդ խարանից:
Անի Սահակյան
Հետևեք մեզ Viber-ում
