Համայնքների խոշորացումը մարդաթափման է տանում.տնտեսագետ
Տնտեսագետ Թաթուլ Մանասերյանը վստահ է՝ դա համայնքների խոշորացումը մարդաթափման է տանում,այն վտանգավոր է Հայաստանի համար: «Կառավարության անդամների մեծ մասը դեմ է սրան, բայց ինչ-որ ուժեր դրսից պարտադրում են սա։ Գյուղերով շրջում ենք մարզերով, տների դռները փակ են, խոշորացման դեպքում այդպիսի համայնքների թիվը մեծանալու է»,-նման հայտարարություն տնտեսագետն արեց Հայելի ակումբում հրավիրված ասուլիսում: Նա կողմ է համայնքների խոշորացմանը միայն այն դեպքում, եթե դա կամավոր է, համայնքների անդամները դեմ չեն. «Չի կարելի սա անել մահակով»։ «Ես դեմ եմ համայնքների խոշորացմանը։ Կողբի ժողովուրդը անցած տարի փակեց ճանապարհը։ Գյուղացիներն ասում էին, որ չեն ուզում ապրել ուրիշի լծի տակ։ Պետք է հաշվի առնել գյուղերի մշակույթները, տարբեր մշակույթ, երբեմն միավորվում են տարբեր բարբառներով խոսող համայնքներ»,-ասում է Ազատ դեմոկրատների փոխնախագահ Անժելա Խաչատրյանը: Համայնքների խոշորացման որոշմամբ ոչ մի ասպեկտ հաշվի առնված չէ, որևէ հիմնավորում չկա։ Հայկական վերածնունդ կուսակցության անդամ Կարինե Հակոբյանը վստահ է ՝ եթե «գյուղերի դռները փակելով գնանք, մի օր էլ կփակենք Հայաստանի դուռը»։
Հետևեք մեզ Viber-ում
