Ով կդառնա ֆեյքերի տիրակալ

Հանրային հեռուստաընկերության գործադիր տնօրենի ընտրության մրցութային հանձնաժողովը նոյեմբերի 6-ին որոշել է վերսկսել Հանրային հեռուստաընկերության գործադիր տնօրենի ընտրության մրցույթը՝ անցկացնելով այն հեռավար և առանց հարցազրույցների։
Մրցույթին մասնակցելու համար դիմել էր 13 թեկնածու, սակայն Արմեն Սարգսյանն ավելի ուշ դիմում է ներկայացրել մրցութային հանձնաժողովին՝ իր թեկնածությունը հանելու նպատակով։
Բաց քվեարկության արդյունքում հանձնաժողովը որոշում է ընդունել 12 թեկնածուից Հովհաննես Մովսիսյանին մրցույթում հաղթող ճանաչելու մասին։Հաջորդ շաբաթ Հանրային հեռարձակողի խորհուրդը որոշում կկայացնի մրցույթում հաղթող ճանաչված Հովհաննես Մովսիսյանին Հանրային հեռուստաընկերության գործադիր տնօրեն նշանակելու վերաբերյալ։ Հիշեցնենք, որ Մովսիսյանը ՀՀ վարչապետի աշխատակազմի «Հանրային կապերի եւ տեղեկատվության կենտրոն» ՊՈԱԿ-ի ղեկավարն էր, կամ ավելի ճիշտ՝ «ֆեյքային ֆաբրիկայի» տիրակալը, ով երկուսուկես տարի համակարգում էր իշխանության քննադատների դեմ կեղտոտ արշավը եւ ֆեյքերի միջոցով մթնոլորտ են ստեղծում համացանցում ու հանրության շրջանում: Ֆեյքերի ֆաբրիկային իշխանության վերնախավը բավականին լուրջ է վերաբերվում, լուրջ գումարներ են «ներդրվում» այս ուղղությամբ։
Ֆեյքերն ունեն տարբեր գործառույթներ՝ հայհոյող ֆեյքեր,որոնք ամենալկտի զրպարտանքներն են նաեւ տարածում, քաղաքական գիծը պահող ֆեյքեր, լուրջ վերլուծություններ գրող ֆեյքեր, իշխանության տարբեր ներկայացուցիչների գրառումներն ու հայտարարությունները խմբերում տարածողներ ու կիսվողներ եւ այլն։
ՊՈԱԿ-ի միայն պարգեւավճարները Նիկոլ Փաշինյանի վարչապետության շրջանում (21 ամիս) կազմել են 131.602.325 դրամ (շուրջ 276 հազար դոլար)»:
Պարզ ասած, Նիկոլ Փաշինյանին իշխանության պահողները ֆեյքերն են, նրանց գեներացրած ինֆորմացիան, ավելի ճիշտ՝ ստերը, ընդդիմախոսների բերանները փակելը, վիրավորելը եւ պախարակելը: Ահա նրանք են Նիկոլ Փաշինյանի միակ հենարանը եւ հենց դրա համար էլ երկուսուկես տարվա ընթացքում որեւէ մեկը ԱԱԾ-ի ուշադրությանը չարժանացավ, անգամ պատերազմական մեր օրերում, երբ օրենքով իշխանությունը սահմանափակել է խոսքի ազատությունը եւ խմբագիրներին, ԶԼՄ-ներին եւ առհասարակ շարքային օգտատերերին , որոնք համարձակվում են քարոզչամեքենայից տարբեր ինֆորմացիա հայտնել, հայտնվում են իրավապահների թիրախում, արժանանում մեծ տուգանքների, մինչդեռ իշխանական ֆեյքերը շարունակում են իրենց արշավը, նրանց կարելի է ամեն ինչ, իսկ մյուսներին ոչինչ: Պատկերացնլ կարելի է, թե է անելու Հովհաննես Մովսիսյանը Հանրայինում: Այո, ճիշտ նույնը, ինչ ֆեյքերի ֆաբրիկայի տիրակալի կարգավիճակում:
Հետաքրքիր է, թե ում են ընտրել նրան արժանի հետեւորդ,որպեսզի իշանությունը շարունակություն ունենա:

Անի Սահակյան