Հռոմի պապին առաջին անգամ տեսախցիկները զայրացած են ֆիքսել/տեսանյութ/

Հռոմի պապ Ֆրանցիսկոսին Մեքսիկա այցի ընթացքում aմբոխը քաշքշել է նրան և գցել հաշմանդամ մարդու վրա, և պապի համբերության բաժակը լցվել է:   Ֆրանցիսկոս պապը մի քանի քայլ հետ է գնացել, և ամբոխի հասցեին հնչել են սթափեցման կոչեր: Նա բացականչել է. «No seas egoísta. Qué te pasó, no seas egoísta», որը հայերեն թարգմանվում է. «Մի՛ եղեք եսասեր, մի՛ եղեք եսասեր»: Պապը շարունակել է ողջունել մարդկանց` մեկնումից մի քանի րոպե առաջ: Ուղևորության ընթացքում Ֆրանցիսկոս պապը մեքսիկացի երիտասարդներին կոչ է արել դիմակայել թմրանյութի վաճառքով զբաղվողների կողմից տրվող «հեշտ» փողի հրապուրանքին և փոխարենը զարգացնել իրենց համայնքները` արժևորելով դրանք իբրև երկրի հարստություն: Թմրանյութի առևտրի կիզակետում գտնվող մեքսիկական Միչոաչան նահանգում երիտասարդական հավաքականի խաղի ժամանակ Ֆրանցիսկոս պապը հույսի և խրախուսման կոչ է արել հաջորդ սերունդներին: Նա նշել է, որ դժվար է իմանալ արժեքդ, երբ շարունակաբար կորցնում ես ընկերներիդ ու բարեկամներիդ` թմրանյութի առևտրի, հենց թմրանյութի, սարսափ սերմանող հանցավոր կազմակերպությունների ճիրաններում: Բայց նա պնդել է. «Դո’ւք եք Մեքսիկայի հարստությունը»: