Վե՛րջ տվեք պառակտմանը և մեղավորներ նշանակելուն
Վե՛րջ տվեք պառակտմանը և մեղավորներ նշանակելուն
——————————
Իշխանության կողմից մեղավորներ նշանակելը վատ բանի նշան է և չի համապատասխանում «Հաղթելու ենք» կարգախոսին։ Չէ՞ որ հաղթանակն է բազում տերեր ունենում, իսկ պարտությունը որբ է մնում։ Այնպես որ դադարեցրե՛ք կորոնապատերազմի խայտառակ պրակտիկայի կրկնօրինակումը, հանրությանը կեղծ թիրախների մատուցումը, սեփական պատասխանատվությունից խուսափումը։
Մի կողմ դրեք ամեն ինչ և կենտրոնացե՛ք մեկ ուղղությամբ։ Սևն ու սպիտակը հիմա հայն ու թուրքն են, այլ ոչ թե ձեր ու նախկին իշխանությունները։
Թուրքն արդեն Գորիս–Բերձոր ճանապարհին է հասել և ուզում է մտնել Շուշի, իսկ մենք ներսում «ռազբորկա» ենք անում, թե ում օրոք է ավելի շատ զենք բերվել։ Չեք ամաչո՞ւմ։
Վաղը որ կատաստրոֆա եղավ, չենք նայելու, թե ում օրոք ինչ է բերվել, ում բերած ինքնաթիռներն են լավը եղել, ումը՝ թռչող, ումը՝ չթռչող։
Չենք նայելու, թե ում օրոք է հայտարարվել, որ օդը փակած է ու անվտանգ։ Նայելու ենք արդյունքներին։
Նայելու ենք, թե ում օրոք ինչքան զոհ ունեցանք, ում օրոք խաղաղ ապրեցինք, ում օրոք պատերազմ եղավ, ում օրոք ինչ ու ինչքան հանձնեցինք/ազատագրեցինք։
Այնպես որ խելքներդ գլուխներդ հավաքեք և գործով զբաղվեք։
Գրել է Անդրանիկ Թևանյանը
Հետևեք մեզ Viber-ում
