Նիկոլ Փաշինյանը պետք է հրաժարական տա. դա ունի հանրային պահանջ. Խոսրով Հարությունյանը միացավ Վազգեն Մանուկյանի հայտարարությանը
ՀՀ նախկին վարչապետ Խոսրով Հարությունյանն արձագանքել է ԱԺՄ ղեկավար Վազգեն Մանուկյանի այսօրվա հայտարարությանը. «Ես համաձայն եմ այդ հայտարարության հետ: Համոզված եմ ու փաստում, որ այդ հայտարարությունն ունի հանրային լուրջ պահանջ ու աջակցություն»:
Հիշեցնենք՝ ԱԺՄ ղեկավար Վազգեն Մանուկյանն այսօր հայտարարությամբ է հանդես եկել՝ պահանջելով ՀՀ վարչապետ Նիկոլ Փաշինյանի հրաժարականը. «Վտանգված է ոչ միայն Արցախը, այլև Հայաստանը և հայության ապագան։
Կարելի՞ է արդյոք փոխել իրավիճակը, բեկում մտցնել։ Այո՛։ Բայց ոչ ներկա կառավարման օրոք։
Ի՞նչ է պետք անել։
1․ Այս կառավարությունը պետք է հրաժարական տա՝ բանակին հանձնելով ողջ իշխանությունը, ընդ որում դա պետք է անի կամավոր, առանց ցնցումների, որոնք կարող են կործանարար լինել։
2․ Բանակը, իր ձեռքը վերցնելով ողջ իշխանությունը, պետք է կազմի միասնական Պաշտպանության կոմիտե Արցախի հետ միասին՝ կազմակերպելով պատերազմական ներկա իրավիճակին անհրաժեշտ միջոցառումները, ապահովելով վստահություն և գնալով բանակցությունների շահագրգիռ պետությունների, միջազգային կառույցների հետ։
Սա միակ փրկությունն է։ Հակառակ դեպքում մենք կարող ենք կորցնել ամեն ինչ»:
Հետևեք մեզ Viber-ում
