Վրիժառուները, Մարիամ Փաշինյանը սպառնում է

Երկիրը նռռում է 19-20 տարեկան երեխաների մահվան ցավից խենթացող մայրերի ողբից, պատերազմ կոչվող այս արհավիրքի վերջը կարծես չի երեւում, սակայն իշխանական որոշ շրջանակներ արդեն հաշիվ մաքրելով են զբաղված, ում հետ, հանուն ինչի, արդեն պարզ է, մարդիկ 20 օրից ավել չեն զբաղվել սիրելի զբաղմունքով, քաղաքական հակառակորդներին չեն փռել ասֆալտին, ծեփել պատերին: Իսկ հիմա, հասկանում են, որ գալու է նաեւ քարերը հավաքելու ժամանակը ու ստիպված են լինելու հասարակության աչքերին ուղիղ նայելով ասել՝ ինչու եւ ինչպես հասանք այս պատերազմին, որտեղ էր մեր բացթողումը, որտեղ վրիպեցինք եւ ստանձնում ենք արդյոք անմեղ զոհերի մահվան պատասխանատվություն: Այս պատճառով էլ իշխանական շրջանակներում ակնհայտ անհանգստություններ են, խլրտոցներ: Մարտի են դուրս ելել տիկնայք փափկասուն, իսկ տղամարդիկ այդքան դուխ չուեն դուրս գալ իրենց թաքստոցներից, նրանք սեփական բունկերներում ապահովագրել են իրենց այս դաժան մարտերից:

Վերջին օրերին քաղաքական այլախոհներին ուղղված սպառնալիքներով աչքի ընկավ Իմ Քայլի պատգամավոր Քրիստինե Պողոսյանը, ում կենսագրության առաջին իսկ տողը թերեւս գրվել է 2018 թվականի ապրիլյան օրերին՝ ասֆալտի վրա պառկելու օրերին, բայց արիուտես տիկինն իրեն այնքան կարեւորված է զգում, որ թույլ է տալիս վիրավորել լրագրողներին, այլախոհներին, թե սպասեք, պատերազմից հետո դուք ձեր հալը կտեսնեք:
Մոլագարության հասնող վրեժխնդրության ծարավը կա ոչ միայն Նիկոլ Փաշինյանի թիմում, այլեւ սեփական ընտանիքում: Փաշինյանի գերակտիվ դուստրը՝ Մարիամ Փաշինյանն էլ հետեւյալ գրառմամբ է հանդես եկել՝ <<Մենք կհաղթենք այս պատերազմը և երբեք չենք մոռանա այն մարդկանց, որոնք աջակցել են մեզ և այն մարդկանց, որոնք չարեցին դա>>:
Փաստորեն մինչ ողջ ազգը սպասում է պատերազմի ավարտին, որպեսզի բացատրություններ պահանջի այս աղջկա հայրիկից եւ նրա թիմից ու հասկանա, թե այդ ինչպես ու երբ պարտվեցինք դիվանագիտական ճակատում, որ հասանք պատերազմի, մինչ սպասում է, որ հարցնի՝ իսկ ուր մնաց կիրթ Ալիեւն ու վերջինիս հետ շփման արդյունքում ստացած տպավորությունները, իբր Ալիեն ուզում է կարգավորել հարցը, վարչապետի դուստրը առաջ է ընկնում եւ անթաքույց սպառնում բոլոր նրանց, ովքեր չեն օգնել այս պատերազմի ընթացքում: Ու թող վաղը լոլոներ չկարդան, թե խոսքն արտաքին լսարանին էր ուղղված, պարզից էլ պարզ է, որ այն ներքին սպառման համար է: Իհարկե, դժ պատերազմի այս օրերին չկա այնպիսի մարդ, որ իր ներածին չափով օգնություն չցուցաբերի, բայց նավսյակի Մարիամիկը <<ստրախ է գանյատ>> անում, որ վաղը ոչ մի մուկ եւ ձուլ չպլստա:

Անի Սահակյան