Արմեն Դարբինյանի տխուր հեւհեւոցը

Արտախորհրդարանական մեկ տասնյակից ավել կուսակցություններ երկու օր առաջ հանդես եկան կառավարությանն ուղղված հայտարարությամբ, որով պահանջում են Հայաստանի կառավարությունից հրատապ կարգով ստեղծել ռազմաքաղաքական հարցերի օպերատիվ կառավարման շտաբ-պետական հատուկ մարմին։ Այդ մարմնինը պետք է ունենա որոշումներ ընդունելու, օպերատիվ գործողություններ ծրագրելու և համակարգելու իրավասություն։
Բացի այդ պաշտպանությունն արդյունավետ կազմակերպելու համար կառավարությունից պահանջում են ներգրավել Հայաստանի և Արցախի Հանրապետությունների նախկին և գործող նախագահներին, վարչապետներին, պաշտպանության և արտաքին գործերի նախարարներին, ռազմական և քաղաքական փարձառություն ունեցող այլ անձանց:

Արտախորհրդարանականների հայտարարությունից անմիջապես հետո գործի դրվեց իշխանական ագիտպոլը, մեկը հայտարարեց, թե այսպիսով պետական հեղաշրջման փորձ է արվում, երկրորդը հայտարարեց, թե օրենքից դուրս առաջարկ է արվում, իսկ նախկին վարչապետ Արմեն Դարբինյանը իշխանություններին քծնելու նոր ռեկորդ սահմանեց:

Նա թվիթերյան իր միկրոբլոգում գրել է. <>:

Իհարկե, կարելի է ըմբռնումով մոտենալ Դարբինյանի սթափ ինքնագնահատականին առ այն, որ ինքը դժվար թե կարողանա օգուտ տալ այն էլ պատերազմական իրավիճակում, սակայն հայտարարել, թե երկիրն ունի պատասխանատու ղեկավար, որը պետք է ինքնուրույն որոշում կայացնի՝ ում է ուզում լսել, ում ոչ, առնվազն էժանագին սոփեստություն է: Պատերազմի ժամանակ եւ այն էլ՝ մեր օրերի նոր սերնդի պատերազմի պարագայում երբեք հավելյալ ուժերը չեն խանգարում, կամ ինչպես հին ժողովրդական խոսքն է ասում՝ մեկ գլուխը լավ է, երկուսն ավելի լավ է: Բայց քանի որ այս մարդն իր առջեւ իշխանություններին անմնացորդ քծնելու նպատակ է դրել, անշեղորեն կյանքի է կոչում այդ նպատակը՝ երբեմն-երբեմն մոռանալով անցյալը, անգամ այն դրվագը, թե ինչպես էր ողջունում Սերժ Սարգսյանի երրորդ ժամկետ վարչապետ դառնալու որոշումը:
Անշուշտ, տեղ-տեղ խաբս է տալիս եւ անշառ հարցերում քննադատում իշխանություններին՝ թերեւս այն հաշվարկով, որ փրկի դեմքը վերջնական խայտառակությունից, լիբերալի իր դիմակը դեռ երկար կրելու հնարավորություն ունենա, բայց մեծ հաշվով գործ ունենք մի մարդու հետ, ով կրնկակոխ հետեւում է վարչապետին եւ զբաղվում նրան փիառով, նա մարդ է, ով սեռափոխված Մել Դալուզյանին հրապարակային պաշտպանություն է հայտնել՝ երկրորդելով Նիկոլ Փաշինյանին: Ուստի ճիշտ կլինի նախապես իր բացարկի համար շնորհակալություն հայտնել պարոն Դարբինյանին

Անի Սահակյան