Քննադատությունն իշխանություններին միայն կարող է օգնել, ինչպե՞ս չեք հասկանում. Աշոտ Գրիգորյան

Հոկտեմբերի 19-ին, Հեռուստատեսության և ռադիոյի հանձնաժողովում գումարվել է հանձնաժողովի նիստ, որի ընթացքում որոշում է կայացվել, որ «ԱՐՄՆՅՈՒԶ» հեռուսաընկերությամբ հեռարձակվող «Հայելու առաջ» հաղորդումը 30 օր եթերում չի լինի:

Որոշման մեջ մասնավորապես ասված է.

«Հաշվի առնելով այն փաստը, որ Օրենքով սահմանված է տեսալսողական հաղորդումներում օրենսդրությամբ արգելված արարքների կոչեր տարածելու արգելքը, իսկ Հեռարձակողների կողմից «Հայելու առաջ» հեղինակային հաղորդման ընթացքում չեն պահպանվել այդ դրույթների պահպանումը, Հանձնաժողովը որոշում է կայացրել կասեցնել «ԱՐՄՆՅՈՒԶ» ՓԲ և «ՌԱԴԻՈ 107 ՖՄ» ՍՊ ընկերությունների լիցենզիայի գործողությունը՝ «Հայելու առաջ» տեսալսողական հաղորդման մասով՝ 30 օր ժամկետով»:

«Եվրոպայի հայկական միությունների ֆորումի» նախագահ Աշոտ Գրիգորյանի խոսքով՝ ում հետ զրուցել ենք թեմայի շուրջ, իշխանություններն այսպիսի քայլերի համար պատասխան են տալու: «Եթե մեր իշխանությունները կարծում են, որ մեր ձայնը լսելի չդարձնելով օգուտ են տալու մեր ազգին,ապա ես շատ խիստ իրենց պետք է վշտացնեմ, որովհետև իրենք չեն կարողանում հասկանալ, որ մեր քննադատությունն իրենց միայն կարող է օգնել: Եթե իրենք փակում են հաղորդումներ, որտեղ քննադատություն է հնչում իրենց հասցեին, ապա պիտի ասեմ, որ դրա համար իրենք պատասխան են տալու: Իրենք ամբողջովին թույնով են լցված Անժելա Թովմասյանի նկատմամբ, որովհետև նրա եթերում հաճախ լսելի է եղել քննադատական խոսքը: Նորից կրկնեմ՝ հարգելիներս հիշե՛ք՝ ինչքան Դուք այսօր սխալ գործեք, ավելի խիստ եք պատժվելու ազգային ուժերի կողմից: