Էրդողանն ընտրվել է Թուրքիայի իշխող կուսակցության նախագահ

Թուրքիայի նախագահ Ռեջեփ Թայիփ Էրդողանն ընտրվել է իշխող «Արդարություն և զարգացում» կուսակցության նախագահի պաշտոնում։ Այս մասին հայտնում է RIA Novosti-ն։ Գաղտնի քվեարկության արդյունքներով՝ Էրդողանի թեկնածությանն աջակցել է համագումարի 1414 պատվիրակ։ Արտահերթ համագումարը գումարվել էր Էրդողանին կուսակցության նախագահ ընտրելու համար։ Թուրքիայի առաջնորդը կուսակցություն վերադառնալու որոշում էր ընդունել ապրիլի 16-ի սահմանադրական հանրաքվեի վերջնական արդյունքների հրապարակումից հետո։ Էրդողանը հանդիսանում է կուսակցության հիմնադիրներից մեկը, սակայն 2014 թվականի օգոստոսին լքել էր այն՝ երկրի նախագահի պաշտոնում ընտրվելուց հետո։