Ինչ կլինի, եթե պարզվի, որ Ադրբեջանը կրակել է Հայաստանի վրա

Ռուսաստանցի զինվորականները մասնակցում են այն տեղեկության ստուգմանը, որի համաձայն Ադրբեջանի կողմից հենց Հայաստանի տարածքին է հարված հասցվել: Այս մասին հայտնում է ՌԻԱ Նովոստիին՝ հղում անելով ՌԴ նախագահի խոսնակ Դմիտրի Պեսկովին:

«Մեր ռազմական գերատեսչությունները ստուգում են այդ տեղեկությունը: Նրանք մշտական կապի մեջ են երկու երկրների գործընկերների հետ»,-ասել է Պեսկովը:

Հարցին՝ եթե տեղեկությունը հաստատվի, արդյոք ուժի մեջ կմտնեն ՀԱՊԿ-ի ինչ-որ մեխանիզմներ, Պեսկովը պատասխանել է, որ պետք է սպասել արդյունքներին: