Արփինե Հովհաննիսյանը վատացել է

Արփինե Հովհաննիսյանը ԱԺ փոխխոսնակի ընտրություններից հետո մեր տեղեկություններով ճնշման տատանում է ունեցել, թեթեւ զգացնել է տվել նաեւ միգրենը, ոմանք դա պայմանավորում են ընտրություններին ստացած քիչ ձայներով, նրա ակնկալիքները մեծ են եղել: Ի դեպ, քվեարկությունից հետո նա այդ մասին անգամ ակնարկեց իր շնորհակալական խոսքում: «Շնորհակալությում են հայտում քաղաքական դիրքորոշում արտահայտածներին և անձնական դիրքորոշում արտահայտածներին: Նվազագույնը ազնիվ էր»,-ասաց Հովհաննիսյանը: Հիշեցնենք, որ ԱԺ փոխնախագահներ են ընտրվել Էդուարդ Շարմազանովը, Արփինե Հովհաննիսյանը և «Ծառուկյան» դաշինքից՝ Միքայել Մելքումյանը: Էդուարդ Շարմազանովին կողմ է քվեարկել 100 պատգամավորներից 84-ը, դեմ՝ 13, 3 քվեաթերթիկ անվավեր է ճանաչվել: Արփինե Հովհաննիսյանի թեկնածությանը դեմ քվեարկողների թիվն ավելի մեծ էր. կողմ՝ 73, դեմ՝ 22, 5 քվեաթերթիկ անվավեր է ճանաչվել: Միքայել Մելքումյանի օգտին քվեարկել է 65, դեմ՝ 29 պատգամավոր, 6 քվեաթերթիկ անվավեր է ճանաչվել: Իր ելույթում Արփինե Հովհաննիսյանը անդրադարձավ իրեն կողմ և դեմ քվեարկողներին: