Ընդդիմադիրներին ուղարկում են առաջնագիծ, իսկ ՔՊ-ականները շարունակում են ճառեր ասել

Քաղաքական մեկնաբան Մենուա Հարությունյանը օրերս ծաուցագիր է ստացել եւ զորակոչվել սահման՝ հայրենիքի պաշտպանության: Փաստ այս տարակուսելի է մի շարք դրվագներով, նախ այն, որ Մենուա Հարությունյանը զինվորական ծառայություն չի անցել եւ թերեւս չպետք է լիներ նաեւ զորքերի պահեստազորում, կամ եթե նույնիսկ դա չի կարող խոչընդոտ հանդիսանալ նրա զորակոչման հարցում, ապա ակնհայտ է, որ ծառայություն չանցած 40 տարեկան անձը չի կարող ռազմական տեսանկյունից օգտակարության մեծ գործակից ունենալ , այն էլ այս պատերազմում, որն իր բնույթով էականորեն տարբերվում է 90-ականներից ու այն առավելապես տեխնիկայի պայքար է:
Բայց ամենաուշագրավն այն է, որ Մենուան ծանուցագիր է ստացել պատերազմական այս օրերին իր վերջին ասուլիսից հետո, ուր նա իշխանություններին ու հատկապես Նիկոլ Փաշինյանին ուղղված խիստ քննադատությամբ հանդես եկավ:
Նախ ասաց, որ եթե վարչապետի որդին իսկապես զորակոչվել է սահման, ապա պետք է հանրությանն այդ մասին փաստերով ապացուցեն, ավելին խոստացավ, որ ինքն էլ մեկնի ռազմաճակատ, բայց մինչ այդ կոչ արեց Նիկոլ Փաշինյանին իր քայլականներից մահապարտների ջոկատ կազմել եւ խաղաղ պայմաններում կամուֆլյաժով եւ վեհ հայացքներով առաջնագծում սելֆիներ անելու փոխարեն ժամանակն է, որ պատերազմական օրերին մեկնեն սահման: Ինքն էլ նրանց հետ կմեկնի ռազմաճաատ: Նիկոլ Փաշինյանին էլ կոչ արեց դավաճաններ չփնտրել, առավել ևս պատերազմի ժամանակ, ասելով, որ մեր պետությունների և ժողովրդի դավաճանները Արևմուքից գրանտ ծծելով հայ-ռուսական հարաբերությունները փչացնող, հայ-ռուսական հարաբերությունների դեմ վայրահաչող բաշիբոզուկներն են, և եթե ուզում է ազատել մեզ դավաճաններից, թող հանձնարարիր ԱԱԾ-ի նոր ղեկավարին, որպես պետական դավաճանների կալանավորել դրանց...
«Կամ էլ բոլոր հակառուսներից կազմիր մահապարտների ջոկատ ու ես դրանց կտանեմ առաջին գիծ՝ կռվելով մաքրել սեփական մեղքերը... Կրկնում եմ հայ-ռուսական հարաբերությունների դեմ պայքարում են թուրքերը և վերջ...»
Ասուլիսի վերջում նա հայտարարեց, որ գնում է Արցախ՝ տեղում ծանոթանալու իրավիճակին, օգտակար լինելու իր ներածի չափով: Մենք տեղեկացանք, որ Ստեփանակերտում մեկ շաբաթ մնալուց հետո Երեւան վերադառնալուն պես ստանում է ծանուցագիր, համաձայն որի որպես պահեստազորային զորակոչում են առաջնագիծ:Եւ կարելի ասել անհապաղ, առաց օր կոցնելու նրան տանում են Արմավիր, զորամասերից մեկում մեկ օր պահելուց հետո ուղարկում առաջնագիծ:
Հարկ է հիշեցնել, որ Մենուան իշխանությունների ամենաանողոք քննադատներից էր եւ այստեղ բնականաբար հարցեր են առաջ գալիս՝ արդյոք կա միտում Մենուա Հարությունյանին սահման ուղարկելու, անշուտ՝ չեն հերքի, կրկնում ենք՝ այս պարագայում նա այն մարդկանցից չէր, կամ առաջիններից, ով կարող է ստեղծված իրավիճակում օգտակար լինել առաջնագծում: Գաղտնիք չէ, որ ռազմական դրության կարեւոր կետերից մեկն էլ խոսքի ազատությանն է վերաբերում, իշխանությունը բոլոր հնարավոր միջոցներով փակել է ընդդիմադիրների բերանները՝ կլինեն անհատներ, թե լրատվամիջոցներ, կարելի է ասել վհուկների որս է սկսված եւ իրավապահները մանրադիտակով հետեւում են իշխանության քննադատներին, նրանց կամ բացատրության կանչում, կամ վարչական տույժ սահմանում: Արդեն կարծիքներ են հնչում, որ իշխանությունն ուշի ուշով հետեւում է իր քննադատներին եւ նրանց լռեցնելու ճանապարհ է դարձրել առաջնագիծ ուղարկելը, հիշենք ՀՀԿ փոխնախագահ Արմեն Աշոտյանին, ով նույնպես չի ծառայել, բայց նրան էլ են զորակոչել: Ակնհայտ է, որ իշխանությունը հիմա էլ իր քննադատների հետ հաշվեհարդա է տեսնում ռազմադաշտ ուղարկելով:
Հիմա մենք կարո՞ղ ենք այս բոլորը հաշվի առնելով ասել, որ ռազմական դրությունը խստացվեց միայն այն պատճառով, որ մենք՝ լրատվամիջոցներս այս ամենի մասին լռենք եւ չբարձրաձայնենք:

Անի Սահակյան