Ռազմական դրության առաջին օրվանից լրատվամիջոցներին, անհատներին արգելում են տարածել այնպիսի տեղեկատվություն, որոնք կխարխլեն ազգի միասնական ոգին, խուճապ ու պառակտում կառաջացնեն, արգելվում է զորքի տեղաշարժի, տեղորոշման, թվաքանակի, ինչպես նաեւ զոհերի մասին տեղեկատվություն հրապարակել: Իշխանությունը օրեր էլ այս հարցում գնաց խստացումերի եւ փաստացի ԶԼՄ-ները զրկված են ցանկացած մեծուփոքր պաշտոնյաների հայտարարությունների, ելույթների, գրառումների մասին գնահատականով հանսեդ գալ, եթե անգամ փաստացի սուտ ու անճշտություն է տարածվել, սակայն դա չի խանգարում հայրենի իշխանականներին ֆեյսբուքը ողողել վարչապետի՝ ռազմաճակատում գտնվող որդու մասին փիառ գրառումներով, որոնք թե անվտանգային, թե պառակտիչ բաղադրիչներ են պարունակում: Վաղ առավոտից մի խումբ պատգամավորներ եւ նախարարներ հրճվանքով տարածում են նմանատիպ գրառումներ՝ հանրության շրջանում մեծ ցասում բարձրացնելով: Իմ Քայլի պատգամավոր Վարազդատ Կարապետյանն առաջինն էր, որ իր էջում տեղադրեց գրառումը: Նա հայտնել էր, որ Գորիսի հիվանդանոցից իրեն բժիշկ ընկերն է գրել, որ Ջաբրայիլից զինվոր են բերել, «գրադ» է խփել, բոլորը փախել են, մի քանիսն են մնացել ու Աշոտը: Պատգամավորը, ըստ էության, հայտնել է տեղ, վայր, որտեղ գտնվում է վարչապետի որդին, եւ խոսել փախուստի մասին: Պատերազմական վիճակում գերագույն հրամանատարի եւ առհասարա բարձրաստիճան պաշտոնատար անձանց եւ նրանց զավակների տեղերոշումը ակնհայտորեն լուրջ վտանգներ է պարունակում հենց այդ մարդկանց համար: Բացի այդ, պատգամավորի տարածած հաղորդագրության համաձայն գործ ունենք հայրենիքի դավաճան վախկոտ զորքի հետ, որը մի գրադից փախուստի է դիմում: Սրանից ավել ջուր լցնել թնամու ջրաղացին, չէր կարող եւ ոչ մի լրատվամիջոց: Կարապետյանի գրառումը լույսի արագությամբ տարածվեց ողջ համացանցում, իշխանական նախարարներն ու պատգամավորները իրենց պարտքն էին համարել այն տեղադրել իրենց էջերում: Բայց Ազգային անվտանգության ծառայությունը պարզվում է՝ խախտում չի գտնում վերոնշյալ գրառման մեջ, որը վերաբերում էր Աշոտ Փաշինյանին: Այս մասին Tert.am-ի հետ զրույցում հայտնել են Ազգային անվտանգության ծառայության մամուլի կենտրոնից: «Համապատասխան գրառման եւ վերջինիս հետ կապված գործողություններում առկա չեն ՀՀ կառավարության՝ 2020 թվականի սեպտեմբերի 27-ի «ՀՀ-ում ռազմական դրության հաստատման մասին» N 1586-Ն պահանջների խախտումներ: Նշենք, որ սույն որոշումմամբ սահմանված սահմանափակումները չեն կիրառվում պետական պաշտոնատար անձանց կողմից կատարված հաղորդումների կամ նրանց հաղորդումներին կատարված հղումների նկատմամբ, սակայն այստեղ խոսքը անվտանգության մասին է, ոչ թե պատգամավորի հրապարակումը սահմանափակելու:
Սեպտեմբերի 30-ին՝ ժամը 16։30-ին, Հայելի ակումբի հյուրն է Հայկ Նահապետյանը
Սեպտեմբերի 30-ին, ժամը 15:00-ին Հայելի ակումբի հյուրն է Հովհաննես Իշխանյանը
Սեպտեմբերի 30-ին՝ ժամը 11։00-ին, Հայելի ակումբի հյուրն է Էդգար Ղազարյանը
Իսրայելը մի քանի ամիս հետևել է Նասրուլլայի գտնվելու վայրին․ NYT
Սեպտեմբերի 27-ին՝ ժամը 16։00-ին, Հայելի ակումբի հյուրն է Թորգոմ Տեր-Մկրտչյանը
Սեպտեմբերի 27-ին՝ ժամը 13։00-ին, Հայելի ակումբի հյուրն է Գևորգ Պետրոսյանը
Սեպտեմբերի 27-ին՝ ժամը 11։00-ին, Հայելի ակումբի հյուրն է Վահագն Չախալյանը
Սեպտեմբերի 27-ին՝ ժամը 14։00-ին, Հայելի ակումբի հյուրն է Արմեն Մանվելյանը
Սեպտեմբերի 26-ին՝ ժամը 14։00-ին, Հայելի ակումբի հյուրն է Դավիթ Ջամալյանը
Սեպտեմբերի 26-ին՝ ժամը 12։00-ին, Հայելի ակումբի հյուրն է Ռուբեն Հակոբյանը