Ովքեր են իրական պառակտիչները

Վերաքննիչ դատարանը մի քանի օրյա դրամատիկ քննությունից հետո մերժեց ԲՀԿ առաջնորդ Գագիկ Ծառուկյանի խափանման միջոցը փոխելու միջնորդությունը։ Գագիկ Ծառուկյանը, հիշեցնենք մեղադրվում է ընտրակաշառքի հայտնի գործով, սակայն չի ընդունում մեղքը՝ ավելի հայտարարելով, որ իր նկատմամբ քաղաքական հետապնդում է իրականացվում, եւ գործը հարուցվեց այն բանից հետո, երբ ինքը հրապարակային քննադատեց իշխանություննեին՝ պահանջելով կառավարության 100 տոկոսով հրաժարական: Ինչ խոսք՝ Ծառուկյանը սերիական մարդասպան չէ եւ գործի քաղաքական աստառները ակնհայտ են շատ շատերին: Բայց հիմա անգամ գործի հիմքերը քննարկելու ժամանակը չէ: Պատերազմական մեր օրերում, երբ իշխանությունն ամպագոռգոռ հայտարարություններ է անում միասնական լինելու, մեկ բռունց դառնալու, ազգը չպառակտելու եւ թիկունքից չհարվածելու մասին, ինքն է անում այդ ամենը: Երեկ, ԱԺ նիստում իմքայլական «գերազանցիկները» ճամարտակում էին չարենցյան մեջբերումներով, միասնականության մասին լոլոներ կարդում,տողատակերում եւ նույնիսկ բացահայտ սպառնում ազգի պառակտիչներին, այսօր այդ նույն իշխանությունը հրաժարվում է ներսի խրամատները քանդել, պառակտում մտցնել հանրության մեջ: Մենակ թե չասեք, թե Հայաստանում դատարաններն անկախ եւ իշխանություններն այստեղ ոչ մի կապ չունեն…Հիմա ոչ ժամանակն է , ոչ էլ պատեհ պահը դատարաններին ու նրանց չեղած անկախությունը հիշելու: Հիմա միասնության, համազգային համախմբման խիստ անհրաժեշտություն կա, ինչը ցավալիորեն գիտակցում են միայն ընդդիմադիրները եւ այսպես կոչված՝ նախկինները: Պատերազմի առաջին օրվանից ընդդիմադիրները վայր են դրել բոլոր զենքերը, ապացույցը 13 կուսակցությունների՝ հայտնի հայտարարությունը, իշխանությանը չքննադատելու ակնառու դիրքորոշումը:

Բայց արիուտես իշխանությունը ոչ այդքան պետականամետ մտածողություն ունի, ոչ այդքան լայնախոհ է, ոչ էլ մեծահոգի: Այս օրերին էլ ավելի պարզ երեւաց այս մարդկանց քինախնդրությունը, որ կարելի է օրինակ թույլ չտալ, որ ռազմի ասպետները, մեր գեներալները ներգրավվեն ռազմի կազմակերպմանը, խոսքը Վիտալի Բալասանյանի, Արշավիր Ղարամյանի եւ մյուսների մասին է, թույլ չտալ, որ Արցախի նախագահը հանդիպ եւ զրուցի Արցախում գտնվող նախկին երկու նախագահներ Սերժ Սարգսյանին եւ Ռոբերտ Քոչարյանին, փակել լրատվամիջոցների բերանները, իշխանություններին քննադատող ցանկացած գրառմա հեղինակի կանչել ԱԱԾ ու այսպես շարունակ:

Վերադառնալով Գագիկ Ծառուկյանին, ապա նրան ազատելով իշխանությունը եթե ոչ ի ցույց կդներ իր հումանիզմը եւ ազգը միավորելու իրական կամքը, այլեւ իրապես եւ ռեալ օգնություն կցուցաբերեր Արցախին՝ Ծառուկյանի միջոցներով:

                                                                                              Անի Սահակյան