Ինչպես է դեռ ամռանից Թուրքիան նախապատրաստվել Արցախում անօդաչուների պատերազմին

Արդեն ակնհայտ է, որ Թուրքիան այսօր ռազմական կոնֆլիկտի կողմ է:
Այն, որ Թուրքիան հետևողականորեն նախապատրաստվել էր այս պատերազմին՝ փաստում են մի շարք կարևոր իրադարձություններ, որոնք տեղի են ունեցել դեռ ամռանից:

Հունիսին Ադրբեջանը հայտարարեց Թուրքիայից ռազմական անօդաչուների գնման մասին, իսկ օգոստոսին Ադրբեջան եկավ թուրք գեներալը, որը Լիբիայում կենտրոն էր հիմնել՝ անօդաչուների ղեկավարման:

eadaily.com-ում հրապարակված մանրամասն հոդվածում նշվում է, որ Ադրբեջանի կողմից Արցախի ուղղությամբ ներկայիս հարձակման հարցում հարվածային անօդաչուները դարձել եմ ամենագլխավոր սպառնալիքը:

Օգոստոսի 13-ին Ադրբեջանի նախագահ Իլհամ Ալիևը և պաշտպանության Զաքիր Հասանովը հանդիպել էին թուրքական պատվիրակության հետ: Ադրբեջանում ավարտին էին մոտենում համատեղ զորավարժությունները և երկրի ղեկավարն ընդունեց Անկարայից ժամանած բարձրաստիճան պաշտոնյաներին, այդ թվում և Թուրքիայի պաշտպանության նախարար Հուլուսի Աքարին:

Հետաքրքրականն այն է, որ պաշպանության նախարարության տարածած մամլո հաղորդագրությունում բոլորի անունները նշվել էին՝ բացի մեկից, գեներալ-գնդապետ, Թուրքիայի պաշտպանության նախարարության գլխավոր մենեջերի անունից՝ Գյոքսել Կախիինը: Այս գեներալը հայտնի է նրանով, որ անցյալ ամառ լիբիական մարշալ Խավթարայի զորքերը գրավել են թուրք բարձրաստիճան խմբին և նրանց ձեռքին է հայտնվել անձնագրային տվյալներ, որոնք պատկանում էին Թուրքիայի Պաշպանության նախարարության ամբողջ հրամկազմին:

Գերեվարված սպաներից մեկն էլ հենց Գյոքսել Կախիին է եղել, որն էլ Լիբիայում ստեղծել ու ղեկավարել էր կենտրոն, որը զբաղվում էր անօդաչուների ղեկավարմամբ, որը օգնում էր զորքերին: Այդ հրապարակման վերաբերյալ մանրամասն հրապարակում էր հայտնվել նաև լիբիական AlMarsad պարբերականում:

«Զորքերի հետ միասին Էրդողանը ուղարկել է Լիբիա թուրքական Bayraktar անօդաչուները: Նրանք կարողանում են գտնել և ոչնչացնել նպատակները, հարձակումներ գործել»

Հոդվածում նաև նշվում է, որ թուրքական ռազմական անօդաչուները հաջողությամբ փոխել են իրավիճակը Լիբիայում քաղաքացիական պատերազմում, որին աջակցում էր Թուրքիան, ասել էր Aljazeera-ին ռազմական փորձագետներից մեկը: «Ակնհայտ է, որ հիմա Ադրբեջանը կրքոտ կցանկանա այդ թուրքական անօդաչուները, որպեսզի փոխի ռազմական բալանսը Հարավային Կովկասում»:

Իհարկե, Ադրբեջանը մինչ այժմ նման գնումներ կատարել է արդեն Իսրայելից: Սակայն հունիսին Ադրբեջանի պաշտպանության նախարար Զաքիր Հասանովը թուրքական TRTWorld –ին հայտնեց, որ ադրբեջանական խորհրդարանը հավանության արժանացրեց համաձայնագիրը՝ Թուրքիայի կողմից ֆինասական աջակցության և այդ միջոցներով անօդաչուների գնման վերաբերյալ:

Այսպես, թուրքական անօդաչուներն արդեն «աշխատում են» Լեռնային Ղարաբաղում:
Հիշեցնենք, որ օգոստոսին Ադրբեջան էր ժամանել այդ նույն Գյոքսել Կախիին, որն էլ Լիբիայում ստեղծել ու ղեկավարել էր կենտրոն, որը զբաղվում էր անօդաչուների կառավարմամբ:

Փաստորեն, նրա այցից մեկուկես ամիս անց, սկսվեց ղարաբաղյան երրորդ պատերազմը:

Մետաքսյա Շալունց