BLOOMBERG. ԱՄՆ-ն ու Ռուսաստանը երևի թե կարող են կանգնեցնել պատերազմը Կովկասում

Ամերիկյան հեղինակավոր Bloomberg պարբերականը, անդրադառնալով Ղարաբաղյան հակամարտության ներկայիս սրացման փուլին, գրում է. «Սառեցված հակամարտությունը» Հայաստանի եւ Ադրբեջանի միջեւ կրկին թեժացել է։ Այն, ինչ շատերին Արեւմուտքում կարող է թվալ փոքր բախում՝ մեր մոլորակի հեռավոր անկյունում կատարվող, իրականում կարող է էական հետեւանքներ ունենալ ռեգիոնալ անվտանգության, էներգետիկ շուկաների եւ երկու՝ ոչ քիչ խնդիրներ ստեղծող լիդերների՝ Վլադիմիր Պուտինի եւ Ռեջեփ Թայիփ Էրդողանի համար։

Ներկայացնելով  հակամարտության պատմությունը, Հայաստանի եւ Ադբեջանի հարաբերությունների լարված վիճակը, որը սկսվել է ԽՍՀՄ փլուզումից ի վեր, երբ նաեւ սկսվել է հակամարտությունը, ինչպես նաեւ այն, որ չափազանց դժվար է սրացումների ժամանակ հստակ կարծիք կազմել, թե ով է սկսել, քանի որ կողմերը մեղադրում են մեկմեկու։ Ընդգծվում է այն, որ պետությունները այժմ կարծես թե չեն էլ պատրաստվում միջամտել եւ պայմանավորղել հակամարտող կողմերի հետ՝ կրակի դադարեցման մասին, չնայած այն բանին, որ նախկինում դա հաջողվում էր, եւ դրա շնորհիվ լարվածությունը ինչ որ չափ կարելի էր թուլացնել։

Ըստ BLOOMBERG-ի՝ ամենից վտանգավորը ներկայիս սրացման համար,հանդիսանում է այն, որ Թուրքիան եւ Ռուսաստանը կարծես թե ներգրավված են այս ամենում եւ «ակտիվորեն աջակցում են կողմերին»։ Հոդվածում նշվում է, որ հակամարտող կողմերի հարեւան է մշտապես անկայուն Վրաստանը, եւ ԱՄՆ-ի ամենից ոխերիմ թշնամի համարվող Իրանը։ Միացյալ Նահանգներն ու Ռուսաստանը, ըստ Bloomberg-ի, ամենայն հավանականությամբ կկարողանային կողմերին համոզել դադարեցնել դեպի աղետալի կետին ընթացքը, որին նրանք գնում են ներկայում։ Հոդվածում ներկայացվում է նաեւ հեղինակի մոտեցումը հնարավոր խաղաղության կայացման հետ կապված, նշելով, որ այն եթե խորանա, կարող է տարածվել ողջ ռեգիոնով մեկ՝ ներառյալ Թուրքիան եւ Ռուսաստանը։