Մարտեր են ընթանում Լեռնային Ղարաբաղում, և Մխիթարյանի մտքերն այնտեղ են.Gazzetta dello Sport
![Մարտեր են ընթանում Լեռնային Ղարաբաղում, և Մխիթարյանի մտքերն այնտեղ են.Gazzetta dello Sport](/timthumb.php?src=/disc/30-09-20/b0d4047b3804987398094cbecbda8207.jpg&w=708)
Իտալական La Gazzetta dello Sport պարբերականն անդրադարձել է Արցախա-ադրբեջանական սահմանին սկսված ռազմական գործողություններին՝ տեղեկացնելով, որ «Ռոմայի» կիսապաշտպան Հենրիխ Մխիթարյանը կարող է հանգստի հնարավորություն ստանալ ակումբի կողմից:
«Մխիթարյանի համար հեշտ օրեր չեն: Մարտեր են ընթանում Լեռնային Ղարաբաղում, և Մխիթարյանի ու նրա ընտանիքի մտքերն այնտեղ են:
Մխիթարյանը համաձայնվել էր մասնակցել «Յուվենտուսի» դեմ խաղին, սակայն այժմ թիմի գլխավոր մարզիչ Պաուլու Ֆոնսեկան համաձայն է Մխիթարյանի հետ քննարկելուց հետո հանգիստ տրամադրել ֆուտբոլիստին»,- ասված է La Gazzetta dello Sport-ի հոդվածում:
Ավելի վաղ Հայաստանի հավաքականի ավագը հայտարարություն էր տարածել՝ կոչ անելով միջազգային հանրությանը դատապարտել Ադրբեջանի գործողությունները: