Ճաշից հետո՝մանանեխ, կռվից հետո՝ կամավոր

Այնպիսի օրեր ենք ապրում, որ առանց լյուստրացիայի ջրի երես են դուրս գալիս վայ-հայրենասերները, նրանք, որոնք հայրենիքը սիրում էին քանի դեռ իշխանության գլխին Սերժ Սարգսյանն էր, նրանք կենաց-մահու կռիվ էին տալիս հայրենիքի մազին դիպչող իշխանությունների դեմ ու ապրիլյան պատերազմից հետո խոստանում, որ հետ են բերելու կորցված տարածքները: Իսկ մեր օրերում, երբ մի քանի օր է երկիրը պատերազմական վիճակում է, այդ մարդիկ ասես ընդհատակ են անցել, ձայնները դուրս չի գալիս:Այո, գուշակեցիք,խոսքը Ժիրայր Սեֆիլյանի եւ իր ահաբեկչական խմբավորման՝ Սասնա ծռերի մասին է:

Շուշիի գումարտակի նախկին հրամանատար Ժիրայր Սեֆիլյանը ապրիլյան պատերազմից հետո հայկական կողմի կրած 800 հեկտար տարածքային կորստի փաստը դարձրել էր նախկին իշխանության դեմ պայքարի հիմնական քարոզչական փատարկներից մեկը:
Ժիրայր Սեֆիլյանը եւ «ծռերը» 2016-ին եւ դրանից հետո հայտարարում էին, թե իրենք հենց այդ պահին էլ կազմ-պատրաստ էին իրենց ուժերով ազատագրել զիջած դիրքը՝ «Լելե Թեփե» -ն, բայց այդ ժամանակվա իշխանությունը, Սերժ Սարգսյանը չեն թողնում:

Մի քանի օր է Ժիրայր Սեֆիլյանի եւ ընկերների համար «800 հեկտարի» մասով իրենց ասածները կյանքի կոչելու ռեալ հնարավորություն է առաջացել: Արցախում պատերազմ է, կենաց-մահու մարտեր են մղվում

Սերժ Սարգսյանն էլ չկա, որ արգելի Սեֆիլյանին գնալ, վերադարձնել կորցրած հեկտարները, բայց Սեֆիլյանը չկա ու չկա: Ողջ երկրում
ազատամարտի վետերանները, անցած 15-20 տարիներին Հայոց բանակում իրենց քաղաքացիական պարտքը պատվով կատարած տղաները, զորակոչի կամ հավաքի կոչերի չսպասելով, կազմակերպված հավաքվում ու մեկնում են ռազմաճակատ, իսկ Սեֆիլյանը չկա ու չկա: Նա հայտնվեց միայն երեկ, այն էլ ֆեյսբուքում եւ հայտարարեց, որ կամավորների ցուցակագրում են սկսում: Սա այն այն բանից հետո, երբ ողջ ֆեյսբուքում նրանց նկատմամբ «հետախուզում» էր հայտարարվել:
Մի վիճակում, երբ արդեն պետական մակարդակով ռազմական դրություն է հայտարարված և ընդհանուր զորահավաք, «ցուցակագրում սկսելը» ամենաքիչը տարօրինակ տպավորություն է թողնում, եթե չասենք՝ ճաշից հետո մանանեխի, կամ Զատիկից հետո կարմիր հավկիթի:

Անի Սահակյան