ԲՀԿ-ն ուրացավ իր առաջնորդին
Երկու օր է Հայաստանի ընդդիմադիր դաշտը հրադադար է հայտարարել իշխանության նկատմամբ: Հայաստանի 14 կուսակցություն, այդ թվում մեկ խորհրդարանական՝ ԲՀԿ, որոնք անցնող ամիսներին կոշտ ընդդիմադիր դիրքորոշում ունեին Հայաստանի ներքաղաքական դաշտում, այդ թվում Արցախի հարցում քաղաքականության առնչությամբ, հայտարարել են հայկական բանակին, Հայաստանի ու Արցախի հանրապետություններին ամբողջ ներուժով սատարելու մասին : Դա այն է, ինչ ուղղակի պարտավոր է անել ցանկացած ողջախոհ եւ պարկեշտ քաղաքական ուժ պատերազմական օրերում, քանզի պատմությունից դասեր քաղելն այսօր ուղղակի անհրաժեշտություն է: Այդ դասերը մեկ բանի մասին են՝ մեր միակ փրկությունը մեր միասնականության, համախմբվածության, մեր բռունցքի մեջ է: Չնայած ընդդիմությունը այսպես կոչված սպիտակ դրոշ է ծածանել քաղաքական դաշտում, սակայն նույնը չես ասի իշխանության մասին, որոնք այսօր զբաղված են բացառապես սեփական փիառ ակցիաների կազմակերպմամբ՝ ճռճռան ելույթեր են ունենում, մայրաքաղաքի իրենց տաքուկ կաբինետներից, խորհրդարանի ամբիոնից հոխորտում են հակառակորդի դեմ, իսկ վարչապետն ընդհանրապես հայտարարում է հանուն հայրենիքի զոհվելու մասին: Համազգային համախմբման, ռեսուրսների մեկտեղման հույժ կարեւորությունը պոպուլիստների իշխանությունում այնքան էլ չեն հասկանում, հակառակ պարագայում կհամախմբեին պատերազմ անցած նախկին նախագահներին, կհամախմբեին ռազմական գործիչներին, կամ առնվազն Քաղպայմանագիրն էլ կմիանար 14 կուսակցությունների հայտարարությանը: Բայց սրանց լկտիությունն ու ցինիզմն ու չպատճառաբանված ինքնավստահությունն այնքան անսահման է, որ անգամ պատերազմ հաղթանակած մարդկանց դեմ սկսած իրավական անհիմն պրոցեսները չեն հետաձգում, օրինակ վաղը հերթական անգամ դատարան պետք է ներկայանան Սեյրան Օհանյանը, Խաչատուրովը եւ մյուսները: Սա, անշուշտ, վատ ուղերձ է աշխարհին պատերազմական այս օրերին, բայց կարեւորը իշխանությունների փիառն է: Այս պարագայում անհասկանալի է մնում ընդդիմության, հատապես ԲՀԿ-ի պահվածքը: Լավ համազգային համախմբումը հիրավի կարեւոր է, բայց կարելի է ուրանալ սեփական առաջնորդին, կարելի էր չէ՞ Ազգային ժողովից գեթ մեկ ելույթ ունենալ կուսակցության առաջնորդ Գագիկ Ծառուկյանի կալանքի վերաբերյալ, գոնե որպես Արցախում մեծ բարեգործություններ կատարած անձնավորության, ներդրումներ իրականացրած գործարարի, արժեր բարձրաձայնել այս պահին նրան ազատ արձայելու հարցը:
Անի Սահակյան
Հետևեք մեզ Viber-ում
