Իրանի կոչը Հայաստանին ու Ադրբեջանին
Թեհրանը Հայաստանին և Ադրբեջանին կոչ է անում անհապաղ դադարեցնել ռազմական գործողությունները և սկսել բանակցային գործընթացը: Այդ մասին հայտարարել է Իրանի ԱԳՆ պաշտոնական ներկայացուցիչ Սաիդ Խատիբզադեն․ «Թեհրանը կողմերին զսպվածության, ինչպես նաև կրակն անհապաղ դադարեցնելու և բանակցություններին վերադառնալու կոչ է անում», – հայտնել են Իրանի ԱԳՆ մամուլի ծառայությունից: Դիվանագետը նաեւ նշել է, որ «Իրանը մտահոգված է Ադրբեջանի ու Հայաստանի միջեւ զինված բախումներից և ուշադիր հետևում է դրանց»:
Նրա խոսքով ՝ Իրանի արտաքին գործերի նախարարությունը հայտարարում է, որ պատրաստակամ է օգտագործել բոլոր հնարավորությունները զինադադար հաստատելու և կողմերի միջև երկխոսություն սկսելու համար:
Հետևեք մեզ Viber-ում
