Փաշինյանը ժողովրդի թիկունքում դավաճանություն է ծրագրել. սկանդալային բացահայտում

Ադրբեջանական քարոզչամեքենան սկանդալային տեղեկություններ է տարածել այն մասին, որ Նիկոլ Փաշինյանի նախկին խորհրդական Արսեն Խառատյանը պաշտոնը թողնելուց հետո Փաշինյանի անունից բանակցել է Ադրբեջանի իշխանության ներկայացուցչի հետ ու քննարկել «Տարածքներ՝ խաղաղության դիմաց» բանաձևը։ Ըստ տեղեկություննրի՝ մի քանի նման հանդիպում է կայացել եւ ամեն ինչ արվել է, որ այն խնամքով թաքցվի Ռուսաստանից:

Փաստորեն, ՀՀ իշխանությունները դեռ չէին արձագանքել Ալիեւի սկանդալային հայտարարությանը, երբ  հակառակորդից երկրորդ հարվածը ստացան: Մի քանի օր առաջ Ալիևը հայտարարել է, որ Փաշինյանն իրենից ժամանակ է խնդրել ու հրադադար պայմանավորվել, որպեսզի ժամանակ շահի՝ փոխարենը խոստանալով զիջումներ Արցախի հարցում։ Ժամանակն, ըստ Ալիևի, Փաշինյանին պետք է եղել Հայաստանի ներքաղաքական կյանքում հակառակորդների հարցերը լուծելու, աթոռն ամրապնդելու համար, որպեսզի թերեւս հեշտ կարողանա կատարել Ալիևին ու նաև Բոլթոնին տված խոստումը զիջումների մասով։

Պաշտոնական Երեւանը ծպտուն չհանեց այս հայտարարության մասին այնքան, քանի դեռ նոր տեղեկություններ չհայտնվեցին: Սկզբում հերքման անհաջող փորձ արեց Արսեն Խառատյանը. «ՀՀ վարչապետի խորհրդական աշխատելու կարճ ժամանակահատվածում, ես որևէ ադրբեջանցի պաշտոնյայի հետ որևէ հարց չեմ քննարկել»,-ի պատասխան գրեց նա իր ՖԲ էջում՝ չմոռանալով վերջում սպառնալ, որ շուտով Ադրբեջանում էլ է հեղափոխություն լինելու և համոզմունք հայտնեց, որ Ադրբեջանի հետհեղափոխական իշխանությունները լինելու են ժողովրդավարներ։
Մինչդեռ ադրբեջանցիներն ասում են՝ պաշտոնանկությունից հետո են Խառատյանի հետ Արցախի հարց քննարկել, իսկ Խառատյանն ասում է, որ վարչապետի խորհրդական աշխատելու ժամանակ ադրբեջանցի պաշտոնյայի հետ որևէ հարց չի քննարկել։
Ի պատասխան Ալիևի ասածների ու ադրբեջանական կայքերից տեղեկատվության՝ Փաշինյանը հայտարարեց․ «Վերջին շրջանում, եթե ուշադրություն եք դարձրել, ադրբեջանական լրատվամիջոցները, իշխանական շրջանակները, Ադրբեջանի ռազմաքաղաքական ղեկավարությունը նոր կոմպոնենտ է մտցրել քարոզչական արշավի մեջ, այսպես ասած՝ կոնֆիդենցիալ ինֆորմացիաների բացահայտում: Ես ադրբեջանցի գործընկերներին խորհուրդ եմ տալիս չգնալ այդ ճանապարհով, որովհետև եթե մտանք այդ դաշտ, սկսեցինք կոնֆիդենցիալ ինֆորմացիաներ տարածել, վախենամ՝ դրանից Ադրբեջանի ներքաղաքական վիճակը հուսահատորեն ապակայունանա»։
Նա փաստորեն ՀՀ վարչապետը ոչ թե հերքում է ադրբեջանցիների կողմից վերջերս բացահայտվող տեղեկությունները իր և Ալիևի ստվերային գործարքների մասին, այլ հաստատում է այն, միաժամանակ վախեցնելով Ալիևին սեփական կոմպրոմատով:
Փաստորեն, Նիկոլ Փաշինյանը բացահայտ հայտարարում է, որ հայ ժողովրդի թիկունքում ինքը Ալիեւի հետ որոշակի սակարկումների է գնացել, մինչդեռ երկու տարի առաջ նա հայտարարում էր, թե բոլոր հարցերը լուծվելու են հանրապետության հրապարակում: Իհարկե, Փաշինյանին չի հաջողվելու ժողովրդի թիկունքում Արցախ հանձնել, բայց փաստն ինքնին դավաճանություն է:
Ու հիմա է հասկանալի դառնում, որ մարդը Ալիեւի հետ էր սիլիբիլի անում, կինը՝ Մեհրիբանի՝ առաջ քաշելով խաղաղության ծրագիր:
 

Իրավապահ մարմնները այս դավաճանությամբ զբաղվելու փոխարեն ընկել են ընդդիմադիրների հետեւից եւ թերեւս բացահայտված մեծ խայտառակությունը քողարկելու նպատակով առաջիկայում կգնան հնչեղ ձերբակալությունների, որպեսզի հանրության շեղեն այս թեմայից:

Անի Սահակյան