Սորոսականների հերթական հաղթանակը
Նիկոլ Փաշինյանը որեւէ կերպ չի կարողանում ազատվել սորոսականների ազդեցությունից, եթե չասենք գործում է ամբողջովին նրանց հրահանգներով, քիչ է ասել, թե հաշվի է նստում այս շրջանակների հետ, նա պարզապես Սորոսի եւ նրա հայաստանյան գործիքակազմի մոտ կամակատար է աշխատում: Սորոսականների պահանջով այսօր հերթական անհնազանդ պաշտոնյան հրաժեշտ տվեց աշխատանքին: Խոսքը
Կրթության, գիտության, մշակույթի եւ սպորտի փոխնախարար Գրիշա Թամրազյանի մասին է, կրթության ոլորտի կուրատորներից մեկն էր։ Տարբեր վարկածներ շրջանառվեցին Թամրազյանի հրաժարականի մասին: Ըստ որոնց արդեն նախկին պաշտոնյան տեւական ժամանակ է՝ դեմ էր արտահայտվում կրթության ոլորտում տարվող քաղաքականությանը եւ հատկապես՝ կրթության աղմկահարույց, ապազգային չափորոշիչներին, նա տարաձայնություններ ուներ կրթական հարցերում սորոսական դիրքորոշում ունեցող իշխանական խմբի հետ, ինչը սկսվել էր դեռեւս ԿԳՆ փոխնախարարներ Արեւիկ Անափիոսյանի եւ Հովհաննես Հովհաննիսյանի հետ աշխատելու շրջանից։
Վերջերս Գ․ Թամրազյանը մի քննարկման ժամանակ բացահայտ դեմ է արտահայտվել չափորոշիչներին,մասնավորապես, փոխնախարարը դժգոհել է, թե կրթության չափորոշիչներն ազգային արժեքներին դեմ են եւ նա հրաժարվում է աշխատել մի կառույցում, որտեղ դեմ են ազգային արժեքներին եւ գործում են դրա դեմ: Սա դժգոհությունների տեղիք է տվել իշխող թիմում եւ սորոսական թեւը Քաղպայմանագրի նիստերի ժամանակ նրա հրաժարականի հարցն է բարձրացրել: Նիկոլ Փաշինյանը հրահանգել է Արայիկ Հարությունյանին ի կատար ածել սորոսական պատգամավորնեի պահանջը: Գործընթացին միգուցե նպաստել է Տնտեսագիտական համալսարանի շուրջ ստեղծված վիճակը, բանն այն է, որ կառավարության դեմ բողոքի ակցիաները՝ Դիանա Գալոյանի ռեկտորությունը հաստատելու պահանջով նաեւ Թամրազյանի մասնակցությամբ են իրականացվում։
Իհարկե, Թամրազյանը նախարարությունում հակասական կերպար էր ընկալվում ով իր ձեռքն էր վերցրել կառավարումը եւ Արայիկ Հարությունյանի անունից թուրն աջուձախ էր կտրում: Հիշենք ԲՈԿ նախագահ Սմբատ Գոգյանի հետ առճակատումները, տղայական ռազբիրիանտները, նրա անունը շոշափվեց նաեւ Արսեն Ջուլֆալակյանի մանդատը վայր դնելու պատմությանը, Թամրազյանը իր ձեռքն էր վերցրել ոչ միայն կրթության ոլորտի կուրացիան, այլեւ մշակույթի, սպոտի, ինչի արդյունքում էլ նախարարության քաղաքականությունը սկսել է անհանգստացնել նաեւ իշխող թիմի ներկայացուցիչներին:
Բայց այդուհանդերձ, Թամրազյանի հրաժարականը վատ ուղերձ է ազգային գաղափարախոսություն կրողների համար առ այն, որ իշխանությունը սորոսական հրեշավոր ծրագրերն իրագործելու ճանապարհին չի խնայելու նույնիսկ յուրայիններին:
Անի Սահակյան
Հետևեք մեզ Viber-ում
